PA’PUDIAN 119:142 - Sura' Madatu

¹⁴² Iatu kamaloloamMi iamo kamaloloan tang tileluk sae lakona, sia iatu sukaran alukMi sanda tonganna.

PA’PUDIAN 119:142 Referans Kwoze

YOHANES 17:17

Pamaindanni umpoparinding kamanapparan; Kadammi iamo kamanapparan.

PA’PUDIAN 19:9

Iatu parentaNa PUANG manappa’, sia umpasende penaa; pepasanNa PUANG masero, sia umpemarorrongi mata.

PA’PUDIAN 119:151

O PUANG, mareke’ duka sia Komi, sia mintu’ pepasanMi sanda tonganna.

YESAYA 51:8

Belanna tau iato mai la maimbak susito sampin naimbakan busung sia sangtinti bulu domba nakande ulli’; apa iatu kamaloloangKu tontong sae lakona sia iatu kasalamaran dio mai Kaleku tontong la disiosso’i.

YESAYA 51:6

Mentingarakomi langngan langi’, sia mentirokomi rokko kuli’na padang; belanna iatu langi’ la pa’de poton susi rambu sia iatu lino la buruk susi tamangkale sia iatu mai to untorroi, mate susi kasisi’; apa iatu kasalamaran lu dio mai Kaleku tontong sae lakona, sia iatu kamaloloangKu tae’ nala disanggang.

EFESUS 4:21

Iake inang mirangimi sia Naada’imokomi lan kasiturusanNa tumbai tu kamanapparan lan Yesu,

PA’PUDIAN 119:144

Iatu mintu’ kasa’biamMi malolo sae lakona, benna’ dikka’ kapaissanan, angku tuo.

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

PA’PUDIAN 119:160

Makalima’na kadamMi sanda tonganna nasang. Sia mintu’ atoran malambu’Mi tang tileluk sae lakona.