PA’PUDIAN 119:141 - Sura' Madatu

¹⁴¹ Aku te to bitti’ sia to tang disaile, apa tae’ angku kalupai tu parentaMi.

PA’PUDIAN 119:141 Referans Kwoze

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

LUKAS 9:58

Nakuami Yesu lako: Io, apa sindallung ia den sia lo’ko’na sia mintu’ manuk-manuk den duka serangna, na Anak rampan dilino Ia tae’ bang inan Nanii ussurrukan ulunNa.

LUKAS 6:20

Mentiromi lako anak gurunNa, Namane ma’kada kumua: Maupa’komi tu kalala’na, belanna umpoparentakomi ParentaNa Puang Matua.

SARAMBU PEADA’ 16:8

Iatu polean sidi’, ke naturu’i kamaloloan mandu melo, na iatu polean buda naturu’ kakelokan.

SARAMBU PEADA’ 15:16

Mandu melo tu ianan sidi’ ke situangi kamatakuran lako PUANG, na iatu ianan buda, ke situangi kamagiangan.

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

PA’PUDIAN 119:109

Tontong bang narandanni kasanggangan tu sunga’ku, apa tae’ angku kalupai len sukaran alukMi.

PA’PUDIAN 40:17

Melo ke mintu’ to undaka’Komi, umpoparannu sia umpopaimanKomi; melo ke mintu’ to ungkamali’ kamakarimmanan lu mai Kalemi, tontong ma’kada: La dipakasalle tu PUANG!

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

SARAMBU PEADA’ 19:1

Iatu to kalala’ unnola kamaloloan mandu melo na iatu to ma’kada leko’ sia natompoi kabagan.

PA’PUDIAN 119:176

Pusamo’ susi domba natampe solana, daka’i te taumMi; belanna tae’ angku kalupai tu mai pepasanMi.

PA’PUDIAN 119:16

Kupoparannu tu apa Mipondok, sia tae’ angku la ungkalupai lenni tu kadamMi.