PA’PUDIAN 119:10 - Sura' Madatu

¹⁰ Kalebu tongan penaangku undaka’Komi, da Mieloranna’ pusa dio mai mintu’ pepasanMi.

PA’PUDIAN 119:10 Referans Kwoze

PA’PUDIAN 119:34

Benna’ tangnga’ kinaa, angku karitutui tu sukaran alukMi, sia angku kanannangi situang penaa kalebungku.

PA’PUDIAN 119:2

Maupa’ mintu’ to unnanna rara’i tu kasa’bianNa, sia to kalebu tallang penaanna undaka’ Puang.

PA’PUDIAN 23:3

Ia umpamatana deatangku, sia ussolanna’ lako mintu’ lalan malolo, diona sanganNa.

2 OSSORANNA DATU 15:15

Mintu’ to Yehuda parannu tongan penaanna tu diona sumpa iato, belanna ponno penaanna umpalao sumpa sia iatu mintu’ pa’poraianna undaka’ PUANG. AnNa eloranni Puang tu Kalena naappa’; Nakamaseimi Puang kamarampasan tiku lao.

YESAYA 35:8

Sia inde to la den misa’ batatta marante, tu digente’ lalan maindan; moi misa’ to maruttak tae’ unnolai; sangadinna tau ia manna to mai umpolalanni, sia tang nalomban to lumio’ sia to baga.

PA’PUDIAN 119:133

Pabantangi tu mintu’ tengkaku situru’ pangallu’Mi, sia da anna den kakadakean umparentana’.

SARAMBU PEADA’ 21:16

Iatu to pusa dio mai lalan tangnga’ kinaa la melayo lan kasirampunan bombo tomate.

PA’PUDIAN 119:118

Mitibe tu mintu’ to sepang dio mai apa Mipondok, belanna tang kebattuan tu mintu’ pakira-kiranna.

PA’PUDIAN 119:21

Miada’mo tu to matampo ditampakki ropu, tu pusa dio mai mintu’ pepasanMi.

KOLOSE 3:22

E mintu’ kaunan, lan mintu’na apa la mituru’ tu pesuanna puang lanmi te lino, da ammi ma’angga’-angga’i butung to la ussede tau, sangadinna la lantuk penaammi sia la ungkataku’komi Puang.

YEREMIA 3:10

Iatonna mangka tu mintu’ apa iato, tae’ duka namorai tu Yehuda, sangbainena, iamoto tang maruru’, bulo lollong sule lako Kaleku, sangadinna naangga’-angga’i bangri, kadanNa PUANG.

SARAMBU PEADA’ 2:13

dio mai tu to untampe lalan malolo, la unturu’ lalan mapittuk;

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 78:37

Belanna tae’ anna ma’to’ tu penaanna lako Puang sia tae’ anna toe manda’i tu basseNa.

PA’PUDIAN 119:176

Pusamo’ susi domba natampe solana, daka’i te taumMi; belanna tae’ angku kalupai tu mai pepasanMi.

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.

1 YOHANES 2:15

Da mikamali’i tu lino ba’tu apa lan lino. Iake denni misa’ tau ungkamali’i te lino, manassa tae’ pa’kaboro’Na Puang Matua lan tau iato.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

PA’PUDIAN 119:69

Napasussuimo’ kadake to matampo apa kukaritutui tu mintu’ parentaMi situang penaa lantukku.

PA’PUDIAN 119:58

Lantuk penaangku umpalaku pa’kamaseamMi, katuru-turuina’ susitu pangallu’Mi.

YEHEZKIEL 34:6

Iatu mai dombaku pusa dao lu mintu’ buntu sia dao lu mintu’ tanete madao; sia tisambo’-sambo’ tu mai dombaku dao te kuli’na padang, na moi misa’ tau tae’ bang umpoinaai, ba’tu undaka’i.