PA’PUDIAN 119:1 - Sura' Madatu

¹ Maupa’ tu mintu’ to malolo lalanna, sia to unturu’ mana’pa Sukaran alukNa PUANG.

PA’PUDIAN 119:1 Referans Kwoze

LUKAS 11:28

Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

YEHEZKIEL 11:20

Anna turu’i tau iato mai tu apa Kupondok sia nakaritutui tu atorangKu sia napogau’i, anna mendadi taungKu tu tau iato mai, angKu dadi Kapenombanna.

YAKOBUS 1:25

Apa iatu to unnannung atoran Sukaran aluk sundun, tu umpopentorro to makakaki’, tae’ namendadi to ma’perangi tang mengkilala, sangadinna to menturu’ tongan, maupa’ ia tau iato lan kamenturusanna.

PA’PUDIAN 128:1

Nanian Hamaa’lot. Maupa’ tu mai to ungkataku’ PUANG. Sia to unturu’i tu mintu’ lalanNa.

YOHANES 13:17

Iake mitandai tu mintu’nate, maupa’komi, ke mipogau’i.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

SARAMBU PEADA’ 11:20

Iatu to leko’ penaanna Nakagalli PUANG, apa iatu to malolo gau’na iamo Naposende.

PENGGAURANNA RASULU’ 24:16

Ia dukamora te ianna te kunii umpembela-belai, kumua angku tontong untambuk inaa masero pindan la langngan Puang Matua la lako tolino.

PA’PUDIAN 101:2

La kukaritutui tu kaleku unnola gau’ masallo’. Piranra amMi la rampo lako kaleku? La lolang ma’bulo lollongna’ lan banuangku.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

PA’PUDIAN 101:6

Iatu matangku la umpemantang to maruru’ lan padang iate, kumua angku torro sola; na minda-minda tu unnola lalan malolo, iamo la kupolentek maringngan.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

YOHANES 1:47

Nakitami Yesu tu Natanael sae lako Kalena, Nama’kada umpokadai tu a’ganna Nakua: Tiromi tu misa’ to Israel tongan, tu tae’ tangnga’ kadake dio kalena!

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

AYUB 1:1

Lan tondok Us den misa’ tau, disanga Ayub, tau iato mengkaola tongan sia bulo lollong sia mataku’ lako Puang Matua na umpatoyang kalena dio mai kadake.

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

SARAMBU PEADA’ 13:6

Iatu kamaloloan ungkaritutui to tang sayuan, apa iatu katangmekaalukan umbambangan tokadake gau’na rokko kasanggangan.

2 SAMUEL 22:22

belanna kuturu’mo tu mintu’ lalanNa PUANG, sia tae’ bangpa angku sala’ kedo, sepang dio mai Kapenombangku.

SARAMBU PEADA’ 29:18

Iake tae’i tu kada dipaombo’, iatu pa’tondokan lao sala, apa la maupa’ tu to ungkaritutui sukaran aluk.