PA’PUDIAN 118:27 - Sura' Madatu

²⁷ Iatu PUANG Iamo Puang Matua, sia Iamo umpatiroiki’ masiang. Ulangi tu pemala’ tu la ditunu lan pa’gauran sae lako to’ tanduk inan pemalaran.

PA’PUDIAN 118:27 Referans Kwoze

YOHANES 8:12

Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

PA’PUDIAN 18:28

Kamumo ullendokanni tu bangsa dipandasa, apa Mipopengkadiongan tu mintu’ to patiro solo’.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

YESAYA 60:1

Ke’de’ko, ammu diarrangi, belanna saemo tu arrangmu, sia iatu kamala’biranNa PUANG kendekmo unnarrangiko.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

ESTER 8:16

Ombo’mi kamasiangan dio lu to Yahudi sia kaparannuan sia kasendean sia kadipangkeran.

PA’PUDIAN 37:6

Ia duka umpadellekki tu kamaloloammu butung masiang, sia katonganammu susito kulla’ ma’tangngana allo.

1 DATU 18:39

Iatonna tiroi to buda tu iannato, tukkumi sae rokko padang, nama’kada nakua: PUANG, Iamo Kapenomban, PUANG, Iamo Kapenomban.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

KATASSURAN 38:2

Nagaragaimi tu tandukna dio to a’pa’ lentekna sia iatu tandukna dipasikande ditampa nakallasa’i tambaga.

KATASSURAN 27:2

Sia iatu tandukna la mugaragai dio to a’pa’ tetukna sia la mupasikande mugaraga tu tandukna, ammu kallasa’i tambaga.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

1 OSSORANNA DATU 29:21

Masiang dio mai napemalarammi tau iato mai lako PUANG tu pemala’ pangrere’ sia napennoloan lako PUANG tu pemala’ ditunu pu’pu’, iamotu sangsa’bu sapi laki, sangsa’bu domba laki, sangsa’bu domba sola tu pemala’ pantedokna, sia pemala’ pangrere’ lendu’ budanna, anna pomeloi mintu’ to Israel.

MIKHA 7:9

Iatu aku untanggung kare’dekan ara’Na PUANG – belanna umpogau’na’ kasalan lako kaleNa – sae lako nasanda tongannina’ lan kara-karaku sia Napasirundunan tu salunna lako kaleku. La Napatassu’na’ lako masiang; sia la kutiro kumua umba Nakua umpogau’i tu kamaloloan.