PA’PUDIAN 118:24 - Sura' Madatu

²⁴ Indemo tu allo Napaden PUANG: Melo ke sila’tekangki’ sia tapoparannui!

PA’PUDIAN 118:24 Referans Kwoze

PA’PUDIAN 84:10

O Puang Matua, balulang toto’ki, tiroi sia mantai tu rupanna to ditokkoMi.

YESAYA 58:13

Iake tang ullullu’ko allo katorroan umpogau’ pengkarangammu, iamotu allo maindanKu, sangadinna ke musangai allo kasendeammu tu allo katorroan, sia mutanda bilangi tu allo dipamaindanan PUANG, tu sielle’ dipangke’ sia umpakala’bi’i tu allo iato tang unturu’ kalena lalanmu ba’tu umpogau’ pengkarangammu, ba’tu umpasun kada tang kebattuan,

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

PENGGAURANNA RASULU’ 20:7

Iatonna allo bunga’na lan minggu iato, tongki sirampun untepu-tepu roti, ma’uleleammi Paulus lako tu tau, apa nasanga la malemo ke masiangito, iamoto napatarru’i tu pa’uleleanna sae lako ma’tangnga bongi.

ZAKHARIA 3:9

Tonganna iatu batu, tu Kupadio tingayona Yosua – dio misa’ batu iato, nanii pitu mata –, Aku kalena la ussura’i tu sura’na, kadanNa PUANGna mintu’ ma’dandan maritik, sia sangallori la Kunii umputtai tu kakadakeanna tondok iate.