PA’PUDIAN 118:19 - Sura' Madatu

¹⁹ Bungkaranna’ tu mai ba’ba kamaloloan, la kuolai tama, la umpudi PUANG.

PA’PUDIAN 118:19 Referans Kwoze

YESAYA 26:2

Bungka’i tu ba’ba babangan, anna tama tu bangsa masallo’, tu untoe manda’ kamarurusan.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

YESAYA 38:22

Iatu Hizkia mangkamo ma’kada, nakua: Apara la dadi tandana, kumua la kendekna’ langngan banuanNa PUANG?

YESAYA 38:20

Tumayamo tu PUANG la untunduina’, iamoto la undedekki’ katapi lan mintu’ allo katuoanta lan banuanNa PUANG.

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

PA’PUDIAN 68:5

Penanianni tu Kapenomban, pakendekanni pa’pudian tu sanganNa, ranteanni batattaNa tu To ma’kareta dio lu padang alla’; iatu sanganNa digente’ PUANG, ammi lo’dok to kaiyangan dio oloNa.