PA’PUDIAN 118:17 - Sura' Madatu

¹⁷ Tae’ angku la mate, sangadinna la tuona’, sia la umpa’peissananna’ penggauranNa PUANG.

PA’PUDIAN 118:17 Referans Kwoze

YOHANES 11:4

Apa iatonna rangii Yesu to, Nakuami: Tae’ ia nala umpomatei tu saki iato, sangadinna la Napomala’bi’ Puang Matua, kumua anNa dipakala’bi’ tu AnakNa Puang Matua diona to.

PA’PUDIAN 73:28

Apa iatu akunna melo aku tu mase’pon lako Puang Matua, iatu Puangku PUANG kupoperinding pala’, dikua angku pa’peissananni tu mintu’ penggauramMi.

PA’PUDIAN 6:5

SuleKomi, o PUANG, rampananni tu deatangku, karimmannina’ tete dio kamasokanamMi!

HABAKUK 1:12

O PUANG, tae’raka na Kamu tu Kapenombangku tempon dio mai sia To maseroku? Tae’ kila mate. O PUANG, Kamumo umpadenni tu tau iato mai la mangukung, sia o Buntu Batu, Kamu umpamanassai tu tau iato mai la umpalalo peada’.

PA’PUDIAN 145:4

Tontong disipapa’i dipudi tu panggaragamMi, sia dipa’peissanan tu mintu’ penggauran kalle-kalleamMi.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 40:10

Kupa’peissanammo tu kareba kaparannuan lan kombongan kalua’ iamotu diona kamaloloamMi; manassa tae’ kutampun pudukku. O PUANG, Miissan tu iannato.

PA’PUDIAN 40:5

Maupa’ tu to umpassare kapa’rannuananna lako PUANG, sia to tang undampangngi tu to ma’patiramban, sia to sepang lako kamo’rangan.

YEREMIA 51:10

PUANG umpasomboi tu katongananta; maikomi talao umpa’peissananni tu penggauranNa PUANG, Kapenombanta lako Sion.

PA’PUDIAN 119:13

Napa’peissanammo tongka’ dililaku tu mintu’ atoran ombo’ dio randan pudukMi.