PA’PUDIAN 117:2 - Sura' Madatu

² Belanna lendu’ kapuana tu kamasokananNa lako kaleta, sia iatu kamarurusanNa PUANG tang tileluk sae lakona. Haleluya.

PA’PUDIAN 117:2 Referans Kwoze

YESAYA 25:1

O PUANG tu Kapenombangku: Kamumo tu la kupakala’bi’, la kupudi-pudi tu sangamMi, belanna umpogau’moKomi apa kalle- kallean, mintu’ tu apa Mipondok tempon dio mai. Mipalolang malambu’mo sia maruru’.

PA’PUDIAN 103:11

Belanna susi sikalangka’na langi’ anna lino, susi dukamoto tu kapuana kamasokananNa lako mintu’ to ungkataku’I

PA’PUDIAN 89:1

Misa’ gelong bangunan ada’na Etan, to Ezrahi.

1 YOHANES 5:6

Iamo iate tu mangkamo sae unnolai uai sia rara, Iamotu Yesu Kristus, sia tangia lan manna uai, sangadinna lan uai sia lan rara. Penaa iamoto ma’pamanassa, belanna Penaa iamo kamanapparan.

PA’PUDIAN 85:10

Manassa iatu kamakarimmanan lu dio mai Kalena marengke’ lako mintu’ to ungkataku’I. Naurunganni tonang tu kamala’biran lan tondokta.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

PA’PUDIAN 146:6

Tu ungkombong langi’ sola lino, sia tasik na mintu’ issinna, sia To untoe kamarurusan tontong sae lakona.