PA’PUDIAN 114:4 - Sura' Madatu

⁴ Iatu mintu’ buntu tibuang len susi domba laki, sia iatu mintu’ tanete ten to anak domba.

PA’PUDIAN 114:4 Referans Kwoze

KATASSURAN 19:18

Mintu’ tu buntu Sinai merambu, belanna songlo’mo tu PUANG lan api sae dao, anna kendek tu rambunna, susi rambu dapo’ sia lendu’ tigega’na tu mintu’ buntu iato.

KATASSURAN 20:18

Mintu’ tau iato mai ungkanassa nasangi tu guntu’ sia kila’ sia oni tarompe’ pua sia iatu buntu merambu; iatonna tiromi ma’parondomi sorong boko’ anna toyang bendan.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

HABAKUK 3:8

SengkeroKomika lako mintu’ salu, o PUANG, dukkuraka tu kasengkeamMi lako mintu’ salu, ba’tu re’dekraka tu ara’Mi lako tasik, amMi sakei tu darangMi, ba’tu kareta kapataloamMi?

PA’PUDIAN 29:6

Umpalumumpa’ lenni tu mintu’na ten to anak sapi laki, tu Libanon sola Siryon butung anak sapi lampung laki.

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

NAHUM 1:5

Tigega’ tu mintu’ buntu dio oloNa sia mintu’ tanete tuan; sia tiseno-seno tu kuli’na padang dio oloNa, ondongpi tu lino sola mintu’ issinna.

PA’PUDIAN 68:16

Iatu buntu Basan buntu malangka’ tongan, sia iatu buntu Basan iamo buntu ma’botto-botto:

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela