PA’PUDIAN 114:3 - Sura' Madatu

³ Mallaimi tu tasik tonna tiroi tu iannato, sia lolong sule tu Yordan;

PA’PUDIAN 114:3 Referans Kwoze

PA’PUDIAN 77:16

Tete dio lima matoto’Mi amMi lendokanni tu taumMi, Iamotu bati’na Yakub sola bati’na Yusuf. Sela

KATASSURAN 14:21

Napa’dulluammi Musa tu limanna tama tasik anNa pasoro’i PUANG tu uai tasik iato Napairi’i angin bara’ lu dio mai rampe matallo situ’turan bongi iato Napopempadang marangkei tu tasik, anna tipa’dua tu uainna.

HABAKUK 3:15

Mipatetei darangMi tu tasik, iamotu uai kapua pambura-bura.

YESAYA 63:12

Lima mala’bi’Na Narendenanni tu lima kananna Musa sia umpasisarak uai dio tingayona tau iato mai, la umpatulangdanan Kalena misa’ sanga matontongan.

PA’PUDIAN 106:9

Nasarabai tu tasik Teberau, anna marangke, anNa solanni tu tau iato mai ullamban tasik mandalan butung to unnola rante pama’.

PA’PUDIAN 104:7

Belanna pa’pakarrangMi anna sore tu uai, sia belanna galugumMi tilulunmi tu uai mallai;

PA’PUDIAN 74:15

Kamumo umpabu’tu kalimbuang sia umpalolong uai salu, sia umpamarangke salu kapua.

KATASSURAN 15:8

Diona angin sun dao mai illongMi anna dipopa’patuku-tuku tu uai; sia iatu uai saba’ tulangdan susi sapan, sia mintu’ bombang makko lan atena tasik.

PA’PUDIAN 77:17

Iatu mintu’ uai natiromoKomi, o Puang Matua, sia mintu’ uai rumonting untiroKomi, sae duka lako uai mandalanna ma’parondo.