PA’PUDIAN 114:2 - Sura' Madatu

² Yehuda tu Napoinan maindan, sia Israel tu Napopanglisuan parenta.

PA’PUDIAN 114:2 Referans Kwoze

KATASSURAN 25:8

Ia nagaraganNa’ tau iato mai tu inan maindan, angKu unnisung lan lu tangngana tau iato mai.

KATASSURAN 15:17

Kamu ussolanni tama tu tau iato mai, amMi patunannangi dao buntu mana’Mi; o PUANG, dio inan Mipadadi kao’koramMi, dio inan maindan, tu Mipabendan, o Puang.

KATASSURAN 6:7

Aku la ussolangkomi tama tondok, tu umpalaoNa’ sumpa unnallu’i la umbenni Abraham, Ishak sia Yakub: Akumo la umbenkomi la dadi misa’ mana’, iamotu Aku, PUANG.

PA’TOLE 27:9

Ma’kada dukami tu Musa sia to minaa to Lewi lako mintu’ to Israel, nakua: Ma’pakappako e to Israel, sia perangii. Allo iate dadimoko taunNa PUANG, Kapenombammu.

PA’TOLE 23:14

Belanna iatu PUANG, Kapenombammu, ussalongi to’ tendamu, la urrampanangko dio mai kamandasan, anNa sorongi tu ualimmu lako kalemu; iamoto la masero tu to’ tendamu, kumua da Natiro lenni tu apa tang sipatu dio kalemu sia da Nasepang tu Puang dio mai kalemu.

SURA’ KATOMINAAN 11:45

Belanna Akumo PUANG tu ussolangkomi sun lan mai tondok Mesir, kumua Akumo tu Kapenombammi; la maserokomi, belanna Aku te masero.

KADA OMBO’ LAKO RASULU’ YOHANES 21:3

Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.

PA’TOLE 27:12

Iake milambanni tu Yordan, dao buntu Gerizim la nanii tunannang tu Simeon, Lewi, Yehuda, Isakhar, Yusuf na Benyamin la umpassakke to buda.

PA’TOLE 7:6

Belanna ikomo misa’ bangsa, tu masero dio olona PUANG, Kapenombammu; iatu iko Napileimoko PUANG, Kapenombammu, dio mai mintu’ bangsa dao kuli’na padang la Napotau.