PA’PUDIAN 113:5 - Sura' Madatu

⁵ Mindara la sitinti batunna tu PUANG, Kapenombanta, tu unnisung dao masuanggana.

PA’PUDIAN 113:5 Referans Kwoze

PA’PUDIAN 89:6

Iamoto anna mintu’ tu daona langi’ umpudi penggauran kalle-kalleamMi, o PUANG, sia kamarurusamMi dipudi lan kombonganna to masallo’.

YEREMIA 10:6

Moi misa’ tau tae’ tu padamMi, o PUANG! PasareonganKomi sia pasareongan tu sangamMi umpapayan kamatotoran.

YESAYA 40:25

Mindara tu la mipasitintianNa’, kumua angKu sangtinti? kadanna To masero.

PA’TOLE 33:26

Moi misa’ tau tae’ sangtende’na Puang Matua, e Yesyurun; tu ma’kareta dao langi’ butung to patunduammu, sia situang kapasareongananNa dao lu salebu’.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

PA’PUDIAN 89:8

Iamotu Kapenomban metakuran tongan lan tinimbunna to masallo’, sia lendu’ nakataku’na mintu’ to untalimbungi.

YESAYA 40:18

Mindara la mipasitintianNi tu Puang Matua sia rupa apara tu la mipasangrupanNi?

PA’PUDIAN 35:10

Mintu’ kaleku sae tama bukungku la ma’kada kumua: O PUANG, mindara tu sitinti batumMi, urrampanan to mandasa dio mai to ussau’i, ondongpi to mandasa sia to bongko dio mai to umpangrampai?

YESAYA 16:5

la dipabendan tana’ misa’ isungan kapayungan diparandanganni kamasokanan, anna dao to lan tendana Daud la nanii unnisung situang kamarurusan misa’ to la mangra’ta’ sia untuntun katonganan, tu matira’ umpogau’ sanda salunna.

PA’PUDIAN 103:19

Napatunannangmo PUANG tu isungan kapayunganNa lan suruga, sia iatu kadatuanNa umparenta mintu’ angge maritik.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 89:7

Belanna mindara lan ba’tangna langi’ tu ma’din la dipasitenderan PUANG? Sia mindara tu mai disanga pekapuangan tu la sitinti batunna PUANG?

PA’PUDIAN 89:9

O PUANG, Kapenombanna mintu’ ma’dandan maritik, mindara tu sumpu kuasa susi Kamu, o PUANG? Iatu kamarurusamMi untalimbung tamaKomi.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.