PA’PUDIAN 113:4 - Sura' Madatu

⁴ Iatu PUANG undoanni mintu’ bangsa, sia iatu kamala’biranNa untongloi langi’.

PA’PUDIAN 113:4 Referans Kwoze

PA’PUDIAN 8:1

Lu lakona pangala sengo. Unturu’ baenan sengona Gitit. Pa’pudianna Daud.

PA’PUDIAN 99:2

Pasareongan tu PUANG lan Sion. Sia Iamo untongloi mintu’ bangsa.

PA’PUDIAN 97:9

Belanna Kamumo, o PUANG, tu patodoranna lan mintu’ narande tana, sia Kamumo tu layukna anna mintu’ deata.

YESAYA 40:17

Iatu mintu’ bangsa dio oloNa Puang butung to tae’ bang apa, mintu’nato Nasanga susito apa tae’, sia tae’ gai’na.

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

YESAYA 40:15

Iatu mintu’ bangsa dipasangtinti uai sangto’doan lan petimba sia pada to barra’-barra’ dao timbangan; iatu lebukan susito barra’-barra’ manisak titale’.

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.