PA’PUDIAN 112:8 - Sura' Madatu

⁸ Batta’ tu penaanna sia tae’ anna mataku’ len, sae lako natirona situang kaparannuan tu kamandasanna mintu’ ualinna.

PA’PUDIAN 112:8 Referans Kwoze

PA’PUDIAN 118:7

Mintu’i tu to patunduangku, PUANGmo tu urrondongna’. Iamoto angku parannu untiroi tu kamandasanna mintu’ ualingku.

PA’PUDIAN 91:8

La mutiro bangri mata ba’rummu, ammu kitai tu pakkanna lako to tang mekaaluk.

PA’PUDIAN 59:10

La kutayanKomi o oto’na kamatotorangku, belanna Puang Matua kupobenteng matoto’.

PA’PUDIAN 31:24

Kamali’mi tu PUANG e mintu’ to Naala mase; Narinding pala’ PUANG tu to maruru’, apa iatu to umpogau’ kamatampoan Napapakkanni kapua.

IBRANI 13:9

Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

SARAMBU PEADA’ 3:33

Iatu tampak ropunNa PUANG lan lu banuanna to tang mekaaluk, apa iatu inan nanii torro to malambu’ Napamasakke.

PA’PUDIAN 92:11

Apa Mipataranggana’ susi tedong lampung, sia Mitokkomo’ minna’ ba’ru’;

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

PA’PUDIAN 49:6

Apara bannangna angku mataku’ra, ke allo kamaparrisan, ke napatama limbuna’ kakelokanna mintu’ to untananni sura kambutu’ku.

PA’PUDIAN 118:6

PUANG urrondongna’, anna tae’ kula mataku’, la napatumbara’ tolino?