PA’PUDIAN 112:5 - Sura' Madatu

⁵ Maupa’ tu to mamase sia masorok ma’pasuka’, sia to ungkareai melo tiku rindingna.

PA’PUDIAN 112:5 Referans Kwoze

PA’PUDIAN 37:21

Iatu to tang mekaaluk massuka’ natae’ napasulei, apa iatu to malambu’ maturu-turu anna mamengan.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

SARAMBU PEADA’ 2:20

Ammu turu’ batattana to melo sia ungkaritutui lalanna to malambu’.

FILIPI 1:9

Na inde sia tu kupalaku, dikua anna sakerangngan-rangnganna tu pa’kaboro’mi diona kapatandaian sia mintu’ kapaissanan.

YOHANES 6:12

Iatonna dia’ nasangmo tu tau, Nakuami lako anak gurunNa: Rampun nasangi tu sesanna, da naden masala.

ROMA 12:11

Da milangga’ lan sara’mi; paparrukki tu penaammi, mengkaolakomi lako Puang.

ROMA 5:7

Apa masuli’ tongan tau morai mate belanna misa’ to malolo. Umbai den sia tau barani mate belanna to melo penaanna.

LUKAS 23:50

Denmi misa’ tau disanga Yusuf, to diala ada’,

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

SARAMBU PEADA’ 17:18

Minda-minda umpasisala’pa limanna mangallu’ sia unnindo’i indanna padanna tolino, tae’ naampui tangnga’ melo.

SARAMBU PEADA’ 12:2

Iatu to melo penaanna Naposende PUANG, apa iatu to ma’tangnga’ kadake bang, Nara’ta’ la diukung.

KOLOSE 4:5

Pa’pekitanangkomi kakinaammi lako to salian sia da’ mimatei tu attu melo.

PENGGAURANNA RASULU’ 11:24

Belanna iatu Barnabas misa’ to masokan sia Naponnoi Penaa Masallo’ sia kapatonganan. Buda tonganmi tu tau mengkara’pa lako Puang.

SARAMBU PEADA’ 24:27

Posara’i dolo tu pengkaranganmu dio salian sia pasakkaranni kalemu tu pa’pa’lakan, mumane umpabendan banua.

SARAMBU PEADA’ 18:9

Iatu to tukkunan mengkarang, massiulu’mo to pasanggang.

NEHEMIA 4:13

iamoto kuato’mi tu mintu’ tau diong inan mengkadiongan dio lu padang dio boko’ rinding tembo’, unturu’ pa’rapuanna, sibaa pa’dangna, dokena sia panana.