PA’PUDIAN 112:4 - Sura' Madatu

⁴ Iatu lu lakona to ma’bulo lollong bu’tu ia tu Masiang lan malillinna, Iamo Ia tu maturu-turu sia mamase na malambu’.

PA’PUDIAN 112:4 Referans Kwoze

AYUB 11:17

Iatu katuoammu la bu’tu marorrong susi ke ma’tangngai allo; moi matumba malillinna, apa la butung to melambi’.

YESAYA 58:10

ke mubenni to tangdia’ tu apa muporai, sia mupedia’i tu to kapu’duran, iake mupogau’i to, la parrang tu maseromu lan malillinna sia iatu kamalillinammu membali masiang.

PA’PUDIAN 97:11

Iatu arrang dipasomboan to malambu’, sia iatu kaparannuan dipabu’tuan to bulo lollong.

1 YOHANES 3:7

E anakku, da naden misa’ tau umpapusakomi: iatu to umpogau’ kamalamburan, iamo malambu’, susi Kristus malambu’;

LUKAS 6:36

Iamoto dadi mamasekomi, susi Ambe’mi sumpu mamase.

1 YOHANES 2:29

Na iake miissanni kumua malambu’ tu Puang, manassa miissan duka kumua minda-minda umpogau’ kamalamburan, iamo lu dio mai Kalena.

EFESUS 4:32

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

PA’PUDIAN 106:1

Haleluya! Pudimi tu PUANG, belanna masokan Ia, sia iatu kamasokananNa tang tileluk sae lakona.

EFESUS 5:9

– belanna iatu bua kamasiangan iamotu kameloan, kamaloloan sia kamanapparan –,

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

PA’PUDIAN 37:6

Ia duka umpadellekki tu kamaloloammu butung masiang, sia katonganammu susito kulla’ ma’tangngana allo.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

1 YOHANES 3:10

Dionamora te naniimo sombo umbanna tu anakNa Puang Matua na umbanna tu anakna deata bulituk; minda-minda tang umpogau’ kamalamburan, tae’ nalu dio mai Puang Matua, susi dukato tu to tang umpakaboro’ siulu’na.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

AYUB 22:28

Iake mupamanassai umpogau’ misa’ apa, la danun tu iannato, sia iatu arrang la parrang dio lalanmu.

AYUB 29:3

tonna padukkui Puang tu lampunNa dao ulungku, naarrangna’ tu dukkunNa tongku lumingka lan kapittukan;

PA’PUDIAN 116:5

Iatu Puang maturu-turu sia malambu’, sia iatu Kapenombanta sa’pala buda.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

SARAMBU PEADA’ 21:21

Minda-minda unnula’ kamaloloan sia kamamasean, la unnappa’ katuoan, kamaloloan sia kadipangkeran.

YESAYA 58:8

Attu iato la bu’tu tu arrangmu susi allo dellek sia iatu bangkemu madomi’ la sikemun, anna dolo dio tingayomu tu kasalamaran sia kamala’biranNa PUANG la ussa’pi’ko.