PA’PUDIAN 112:10 - Sura' Madatu

¹⁰ Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 112:10 Referans Kwoze

LUKAS 13:28

Indemoto la minii tumangi’ sia sisange’ isimmi, ke mitiromi tu Abraham na Ishak na Yakub sia mintu’ nabi lan ParentaNa Puang Matua, apa dipembuangangkomi kamu lako salian.

SARAMBU PEADA’ 11:7

Iake matemi tu to tang mekaaluk puttamo to tu pa’rannuananna sia iatu apa naanga’ to kadake la pa’de.

SARAMBU PEADA’ 10:28

Iatu pa’rannuanna to malambu’ la umpabu’tu kasendean, apa iatu sissareanna to tang mekaaluk la putta.

PA’PUDIAN 86:17

Pogauranna’ misa’ tanda napotanda tasikna kameloan, kumua anna ta’pai matanna mintu’ to ungkabiri’na’ anna kasirisan, belanna Kamumo, o PUANG, tu mangka untunduina’ sia umpakatanana’.

PA’PUDIAN 37:12

Iatu to tang mekaaluk untambuk kadake lako to malambu’ sia nasangiran isi.

AYUB 8:13

Dipasusimoto tu to tang ungkilalai tu Puang Matua, sia ka’tumo tu apa narannuan to tang mekaaluk.

MATIUS 22:13

Nakuami tu datu lako solana: Pungoi tu lentekna sia limanna, mipembuanganni lako kalillinanna dio salian; indemoto nanii katumangiran sia kasisangeran isi.

MATIUS 8:12

apa iatu to dianak lan Parenta iato la dipembuangan tama malillinna dio salian, diomo la nanii katumangiran sia kasisangeran isi.

NEHEMIA 2:10

Iatonna rangimi Sanbalat, to Horon sia Tobia, kaunan to Amon, lendu’mi mapa’di’na penaanna, kumua saemo misa’ tau la undakaran melo to Israel.

AYUB 20:7

la pa’de sae lakona susito tainna; minda tu untiroi la ma’kada nakua: Umbamira?