PA’PUDIAN 110:3 - Sura' Madatu

³ Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

PA’PUDIAN 110:3 Referans Kwoze

TO PARENGNGE’ 5:2

Belanna umpakalando beluakna tu tau lan Israel, belanna ussorong kalena tu to buda, iamoto pudimi tu PUANG!

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

1 TESALONIKA 4:7

Belanna ia sia Natambaimiki’ Puang Matua tae’ kumua anta pogau’ maruttakna sangadinna diona kadipamaseroan.

EFESUS 1:4

Susitu kaNatonnoranta diona Kristus, tonna tang dikombongpa tu lino, kumua anta masallo’ sia tang sayuan dio oloNa Puang.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

2 KORINTUS 13:4

Belanna inang dia’ta’ diona kalanggaran, apa tuo sule diona kamatotoranNa Puang Matua. Kami te kipolangga’ duka tu kalanggaranNa, apa la tuokanni sola diona kamatotoranNa Puang Matua, tu dipamanassa lako kalemi.

2 KORINTUS 8:16

Apa kurre sumanga’na langngan Puang Matua, tu mangka umpa’kamaseanni tu kamatutturan iato tama penaanna Titus tu belanna kamu.

2 KORINTUS 8:12

Belanna iake denni diong penaa iamoto nadikaringnganan sitinaya tu apa den dio kalena, tangia sitinaya apa tae’ dio kalena.

PENGGAURANNA RASULU’ 21:20

Iatonna rangii tau tu iannato, umpakala’bi’mi Puang Matua sia nakua lako Paulus: E siulu’, mutiromo, maka la pira ia sa’bu tu to Yahudi ma’patonganmo, apa tontong nasang bangpa parruk ungkaritutui Sukaran aluk.

PA’PUDIAN 96:9

Tukkukomi menomba lako PUANG umpokassa’ pakean maindan, la ma’parondokomi dio oloNa, e mintu’ issinna lino!

FILIPI 2:13

belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.

PENGGAURANNA RASULU’ 2:41

Ma’popedio’mi tu mintu’ to untarimai tu kadanna; keranganmi bilanganna tonna allo iato agi-agi tallungsa’bu tau.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

1 OSSORANNA DATU 16:29

Palulakoi PUANG tu kamala’biranna sanganNa, Pennoloanni tu pemala’ sia menombakomi dio oloNa. Tukkukomi menomba lako PUANG umpokassa’ pakean maindan.

PENGGAURANNA RASULU’ 19:20

Susimoto tu kadanNa Puang Matua sarorak-rorakna sia sapatalo-talona tete dio kuasanNa Puang.

PENGGAURANNA RASULU’ 4:4

Apa budamo tu tau urrangii tu kada iato ma’patongan; iatu muane agi-agi limangsa’bu.

NEHEMIA 11:2

Napudimi bangsa iato tu mintu’ muane, tu tanning inaa ma’tondok lan Yerusalem.

YEHEZKIEL 43:12

Inde sia tu sukaran aluk diona te Banua Kabusungan; dao lolok buntu lili’na inan tarru’ maindan. Manassa iamote tu sukaran alukna Banua Kabusungan iato.

TO PARENGNGE’ 5:9

Naala penaangku tu mintu’ pangulu rarinna to Israel, iamotu mai to ma’lalan penaanna ussorong kalena, dio lu bangsa, pudimi tu PUANG!

PA’PUDIAN 29:2

Palu lakoi PUANG tu kadipangkeran sipato’na sanganNa, penombai tu PUANG situang kassa’ masero.

MIKHA 5:6

Sia iatu to torronapa Yakub la dio lu ba’tu pira-pira budanna bangsa sangtinti ambun dio mai PUANG, sangtinti uran kamban dao lu taruk maluna, tu tang untayan tolino ba’tu umpeagi rupa tau.