PA’PUDIAN 110:2 - Sura' Madatu

² PUANG la umpopangayo tekken kapayungan lan mai Sion tanda kuasammu: La sikambi’Ko parenta dio lu to’ ualimMu.

PA’PUDIAN 110:2 Referans Kwoze

YEREMIA 48:17

La mibatingi, e kamu to untikui, sia kamu tu to untandaimi sanganna, la mikua: A’a umba nakua anna le’tomo tu tekken kakuasan, iamotu tekken kamala’biran.

ROMA 1:16

Belanna tang ussa’dinganna’ siri’ untongananni tu Kareba-kaparannuan, apa iamo kamatotoranNa Puang Matua tu umpabu’tu kamakarimmanan lako mintu’ to ma’patongan, ondonganna lako to Yahudi sia to Yunani duka.

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

MIKHA 4:2

Sia buda to sangpetayanan la ke’de’ male anna ma’kada nakua: Maikomi anta male langngan buntunNa Puang, langngan banuanNa Kapenombanna Yakub, anNa ada’iki’ diona mintu’ lalanNa sia anta olai tu mai lalanNa, belanna lan mai Sion la nanii bu’tu tu Sukaran aluk sia iatu kadanNa lan mai Yerusalem.

YEHEZKIEL 47:1

Attu iato nabaamo’ sule lako to’ lalan tama Banua; kutiromi naden ia uai lolong lan mai diongna lu ampang Banua ma’palulako rampe matallo, belanna iatu tingo Banua ma’palulako rampe matallo, iatu uai lolong lan mai diongna lu sa’de kanan banua, rampe lo’na lu inan pemalaran.

YEHEZKIEL 19:14

Sunmi tu api lan mai tangkena, tu ungkande takke’-takke’na sia buanna, tae’mo tangke matoto’na dio, tae’mo tekken la sikambi’ kadatuan! Iamote tu misa’ rintin, tu dipobatingmo.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

PA’PUDIAN 72:8

Sangapaoi anna ma’parenta umpasilamban-lamban tasik, sia umpasitarru’ Salu landa’ lako randan langi’.

KATASSURAN 8:5

Sia Nakuapa PUANG lako Musa: Pokadanni Harun: Angka’i tu limammu mutoei tu tekkenmu lako mintu’ salu sia kalo’ sia limbong, ammu pakendekki tu tokko’ langngan tondok Mesir.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

KATASSURAN 7:19

Sia Nakuapa PUANG lako Musa: Pokadanni Harun: Alai tu tekkenmu, angka’i tu limammu lako mintu’ uai to Mesir, lako mintu’ salunna sia kalo’na sia limbongna sia lako mintu’ pa’rampunan uainna, kumua anna membali rara; nake nanii nasangi rara tu mintu’ lili’na tondok Mesir, la lan lu busso kayu, la lan lu busso batu.