PA’PUDIAN 11:6 - Sura' Madatu

⁶ La Napauranni ruaya sia solo’ tu to tang mekaaluk, sia angin malallang tu taana tau iato mai.

PA’PUDIAN 11:6 Referans Kwoze

YEHEZKIEL 38:22

Sia la Kuukung Kuparampoi ra’ba biang sia to’doan rara; la Kupauranni uran kamban, uran batu, api sia solo’ tu tau iato sola mintu’ surodadunna sia iatu bangsa buda nasolan.

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

YEHEZKIEL 13:13

Iamoto, inde sia tu kadanNa Puangta PUANG Nakua: Inang la Kupopa’pamumbuk tu angin bara’ tete dio kare’dekangKu, sia la sae tu uran kamban tete dio kasengkeangKu, sia uran batu tete dio kare’dekangku, anna sabu’i.

LUKAS 17:29

Apa tonna memboko’mo Lot lan mai Sodom, saemi dao mai langi’ tu uran api sia solo’ ummangsanni tu tau sola nasang.

PA’PUDIAN 75:8

Sangadinna Puang Matuari tu ma’paolai salu, Iamo la umpasosso’ lu rokkoi tu misa’, anna pakendek lu langnganni tu misa’.

AYUB 20:23

La Napa’pediaran tau iato iamoto Narampananni Puang Matua tu kasengkean dukkunNa ullaoi, tu Nabarrakan susito uran lako kalena napokande.

AYUB 18:15

Lan to’ tendana naniimo apa tang sipatu ussisolanni, sia la diambo’i solo’ tu inan katorroanna.

YOHANES 18:11

Nakuami Yesu ungkuanni tu Petrus: Pasibanuai tu la’bo’mu. Ma’apai angKu tang la unniru’i tu lanna irusan NatadoanNa’ Ambe’?

HABAKUK 2:16

Mupedia’imo apa mesirisan tu kalemu ussonda kamala’biran, iamoto iru’ dukami iko, ammu kambelangi kalemu. La tibalik lako kalemu tu irusan lu dio mai kananNa PUANG, sia kamasirisan kapua la ungkabu’ kamala’birammu.

PA’PUDIAN 105:32

Napasae tu uran batu Naposondana uran, sia Napasae tu api ma’lulu-lulu lan padangna.

YESAYA 51:17

Pana’dingko, pana’dingko, millikko e Yerusalem; e iko tu mangka unniru’i tu lan irusan nanii kare’dekanNa PUANG tu Natadoangko, sia mangka umpepurai nairu’ tu apa palango lan irusan.

PA’PUDIAN 16:5

PUANGmo tu ba’gi kupomana’ sia luangna irusangku, Kamu duka tu umpantok serongku.

YESAYA 51:22

Nakua tu kadanNa Puangmu PUANG, iamotu Kapenombammu, tu untonganan taunNa: La kualaimo lan mai limammu tu irusan nanii apa melango; sia tu lanna irusan nanii kamare’dekangKu tae’mo ammu la unniru’i.

1 SAMUEL 9:23

Ma’kadami tu Samuel lako to ma’nasu, nakua: Parokkoanni sangorong, tu kubennako sia kupasanangko kumua: Patorro senga’i.

1 SAMUEL 1:4

Iato allo nanii Elkana memala’, naben tu taana Penina, bainena, sia lako mintu’na anakna muane sia baine.

KADADIAN 43:34

Naangka’mi tau tu pa’sanduk dio mai olona Yusuf lako tingayona tau iato mai, apa iatu sandukanna Benyamin pellima losongna na iatu sandukanna to senga’. Mangiru’mi tu tau iato mai sola, sia sende-sende.

AYUB 18:10

Iatu ulang dibunianni diong padang, sia pepoya ditananammi dio to’ lalan.

PA’PUDIAN 18:13

Iatu naninna arrang dio oloNa tipoli’ dio mai tu salebu’ makamban, sia uran batu sia ruaya borrong.

PA’PUDIAN 32:10

Iatu to tang mekaaluk, buda kamaparrisan urrampoi, apa iatu to umposande’ PUANG, la Natikui kamasokanan.

YEREMIA 13:25

Susimoto tu toto’mu sia taamu tu Kusukarangko, kadanNa PUANG, belanna tae’mo mukilalaiNa’ sia kabuttokammo tu muposande’.