PA’PUDIAN 11:2 - Sura' Madatu

² Belanna tiromi umpatu’tunmo bulianna tu to tang mekaaluk, napatamamo bulian tu tinaranna, la untinaranni to bulo lollong dio mai to’ malillinna.

PA’PUDIAN 11:2 Referans Kwoze

YEREMIA 9:3

Ma’neko-neko tu lilana susi pana digi’tingan ponno buttok sia tae’ namalambu’ ma’parenta lan lu tondok sia tae’ upu’na umpasisonda kakadakean napogau’, sia tae’ natandaiNa’ tu tau iato mai, kadanNa PUANG.

PA’PUDIAN 37:14

Iatu to tang mekaaluk unnonok la’bo’na sia umpatu’tun bulianna, la ussongkan to mandasa sia to mase-mase, sia la ussampan-sampan to unnola lalan kabulo-lollongan.

PA’PUDIAN 21:12

Belanna tau iato mai la umpabu’tu kakadakean lako kalemi, untangnga’ kakelokan, apa tang nabela umpalanda’i.

MATIUS 26:4

nasituru’imi la untangnga’ Yesu natingkanNi, kumua napatei.

PA’PUDIAN 142:3

Umbuangna’ sarroku dio oloNa, sia ussorongna’ kamaparrisangku dio tingayoNa.

PA’PUDIAN 125:4

O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

PA’PUDIAN 97:11

Iatu arrang dipasomboan to malambu’, sia iatu kaparannuan dipabu’tuan to bulo lollong.

PA’PUDIAN 94:15

Belanna iatu pa’paolai salu la sule lako kamalamburan, sia mintu’ to bulo lollong la umpengkaolai.

PA’PUDIAN 64:10

Anna mataku’ tu mintu’ tau sia la umpakalelean penggauranNa Puang Matua, sia untiro melo pengkaranganNa.

PA’PUDIAN 32:11

E to malambu’ poparannu-rannukomi PUANG, sia sende paimankomi, sia sila’tekangkomi, e mintu’ to ma’bulo lollong.

PA’PUDIAN 10:2

Tu belanna kamatampoanna to tang mekaaluk anna pandasai tu to makario-rio, melo ke didammakki tu tau iato mai lan pakira-kiranna tu napana’ta’.

PA’PUDIAN 7:12

Puang Matua tu To ma’paolai salu tang pakayun bimbang; sia Kapenomban sengke rundun allo.

PA’PUDIAN 7:10

Melo ke pu’du’i tu mintu’ kakadakeanna to tang mekaaluk, apa pabantangi tu to malambu’, kamumo tu ussudi penaanna sia ba’tengna tau, kamumo tu Kapenomban malambu’.

1 SAMUEL 23:9

Iatonna issanni Daud, kumua iatu Saul ma’tangnga’ kadake la unneai, ma’kadami lako to minaa Abyatar, nakua: Banna’ mai tu epo’.

1 SAMUEL 18:21

Ma’tangnga’mi tu Saul, nakua: Melo ke kubenni nabutung ia umpoyai, anna limanna to Filistin umpata’pai. Ma’kadami Saul lako Daud, nakua: Attu iate ma’penduannamoko la kupomanintu, ke mupasiolai.