1 Misa’ nanian. Pa’pudianna Daud.
La nasa’bu’ tongka’ dililaku tu mai kada umpudi PUANG, sia sangapaoi anna mintu’ kepenaanna umpudi tu sanga maseroNa landa’ sae lakona.
La umpenanianna’ PUANG angge tuoku, sia la umpakendekanna’ pa’pudian Kapenombangku ke ten siapa’ to.
La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.
Lu lakona pangala sengo. Misa’ nanian pa’pudianna Daud.
Iatu sadangku buke kapa’pudian lan lako Kalemi, sia untendeng kamala’biramMi kiallo-kiallo.
Pa’pudianna Daud tonna unna’ga to bomboan kalena dio olona Abimelekh, tu unnula’i anna mallai.
Attu iato napenaniammi Musa sola to Israel tu nanian iate umpudi PUANG, nakua: La menanina’ umpudi PUANG, belanna matande tongan tu kamala’biranNa, Napembuangan tu darang sia to ussakei tama tasik.
Tangi’ tang marangaku Mipopembalimo kadande’rekan, Mileakammo tu poteku, amMi patambeke’ina’ kaparannuan.
Iamoto anna parannu penaangku sia sende paiman deatangku, sia iatu batang kaleku la torro marampa’!
Pa’pudianna Daud. La ponno penaangku umpudiKomi, sia la umpakendekna’ pa’pudian mati’ Kalemi dio olona mintu’ deata.
