PA’PUDIAN 103:7 - Sura' Madatu

⁷ Mangka dukamo Napokada lako Musa tu mintu’ lalanNa, sia mintu’ penggauranNa Napokada lako to Israel.

PA’PUDIAN 103:7 Referans Kwoze

KATASSURAN 33:13

Iake Mikaturu-turuina’, paissannina’ tu lalanMi kuurungan untandaiKomi, ianna susito kuissan tonganmo, kumua Mikaturu-turuina’. Melo Mikilalai, kumua iate bangsa iate taumMi.

PA’PUDIAN 147:19

Mangkamo Napokadan Yakub tu kadanNa, sia Napasanammo Israel tu mai apa Napondok sia mintu’ atoranNa.

PA’PUDIAN 78:11

Sia tang nakilalaimo tau iato mai tu mintu’ penggauranNa, sia mintu’ tanda kalle-kalleanNa, tu Napa’pekitanammo lako kalena.

NEHEMIA 9:14

Sia Mipaissanni dukamo tu allo katorroan maindanMi sia Mipepasanammo tu pepasan sia apa dipondok sia sukaran aluk nalopian Musa, taumMi.

PA’PUDIAN 77:20

Iatu lalanMi lan tasik, sia lan to’ uai buda, sia iatu lalan lentekMi tae’ napayanan.

PA’TOLE 34:10

Tae’mo nabi tunannang dio to Israel susi Musa, tu Natandai PUANG sia sitiro lindo –

PA’PUDIAN 99:7

Ma’kadami lanmai lentong gaun lako tau iato mai, anna karitutui tau iato mai tu mintu’ kasa’bianNa, sia iatu aluk Napondok Nasoronganni lako.

PA’PUDIAN 78:5

Belanna mangkamo Natanan tu misa’ tanda dianna batu silambi’ dio lu tarukna Yakub, sia Napondok tu misa’ Sukaran aluk dio lu bati’na Israel, tu Napasan lako to dolota kumua anna pokadanni lanto mimi’na.

KATASSURAN 20:21

Iatu to buda toyang bendan, apa iatu Musa umpentireke’i gaun malillin, tu Naninna Puang Matua.

KATASSURAN 19:20

Iatonna songlo’mo tu PUANG sae dao buntu Sinai, dao bottona, Natambaimi PUANG tu Musa langngan bottona, anna kendek tu Musa.

KATASSURAN 19:8

Sangrambanammi mebali tu mintu’ tau iato, nakua: Mintu’ tu kada Napokada PUANG la kipogau’! Naparampomi Musa tu mintu’ kadanna to buda lako PUANG.

PA’PUDIAN 106:22

Iamotu penggauran kalle-kallean dio tana Ham, sia ba’tu pira-pira apa metakuran napogau’ dio randan tasik Teberau.

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

PA’PUDIAN 111:6

Umpapayanmo kuasa penggauranNa lako taunNa, diona kaumpa’benganNa mana’na mintu’ to kapere’.