PA’PUDIAN 103:5 - Sura' Madatu

⁵ Tu umpaguntu’i kameloan tu deatammu, muurunganni mellomo butung to langkan maega.

PA’PUDIAN 103:5 Referans Kwoze

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

PA’PUDIAN 107:9

Belanna Napapayamo tu penaa ma’rangna, sia iatu penaa topona Napedia’imo kameloan.

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

2 KORINTUS 4:16

Iamoto anna tae’ nasoso’ tu penaanta, belanna moi disanggang tu a’gan kale tang marendengta, apa iatu a’gan ba’tengta diba’rui keallo-keallo.

PA’PUDIAN 63:5

Susimoto angku la umpudiKomi angge tuoku, sia diona sangamMi angku la umpopempala’ limangku.

PA’PUDIAN 104:28

IamMi tadoanni lako, narampunmi, sia iamMi bungka’ pala’Mi, dipedia’i nasang kameloan.

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

YOSUA 14:11

Allo iate iatu kamatotorangku susi bangsiapa tonna suana’ Musa; susi kamatotorangku tonna allo iato, susi bangsiapa te allo iate; matoto’pa’ la parari sia lu tama lu lan mai.

AYUB 33:25

Mandu manaman tu kalena na iatonna mangura, mentomalolle’omo sule.