PA’PUDIAN 103:3 - Sura' Madatu

³ Tu umpa’dei mintu’ salamu, sia umpamondo mintu’ sakimmu.

PA’PUDIAN 103:3 Referans Kwoze

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

YESAYA 53:5

Apa belanna salata anna bangke sia kakelokanta anna disanggang; iatu ukungan umpabu’tuangki’ kasalamaran urrampoi kalena, sia bannang dio sisulla’pang-la’pangna, anta pomondoi.

PA’PUDIAN 30:2

La kupekalangka’iKomi, o PUANG, belanna Miangka’mo’ langngan, sia tae’ Mieloranni tu ualingku umposendei tu diona kasanggangangku.

YEREMIA 17:14

O PUANG, pamatanana’ angku matana; tunduina’ angku makarimman belanna Kamumo tu kapudiangku.

PA’PUDIAN 147:3

Ia umpamondoi tu mintu’ to bonnong penaanna, sia Nabimbin tu mai bangkena.

YAKOBUS 5:15

Anna passambayang narondong kapatonganan umpamakarimmanni tu to masaki, anna Puang la umpamalekei, sia iake mangkai umpogau’ kasalan, la dipa’dei tu kasalanna.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

MARKUS 2:5

Iatonna tiromi Yesu tu kapatongananna tinde tau, Nakuami lako to kupi’: E anakku! dipa’deimo tu kasalammu.

KADIBILANGAN 12:13

Metambami tu Musa lako PUANG nakua: O Puang Matua, pamondoi tu golenna.

PA’PUDIAN 130:8

Sia la Nalendokan duka tu to Israel dio mai mintu’ salana.

EFESUS 1:7

Tu tapobannang ungkabu’tui kadila’bakan diona raraNa iamotu kadipa’deianna mintu’ kasalan, situru’ kakapuanna pa’kamaseanNa,

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

YESAYA 33:24

Moi misa’ pa’tondokan tae’mo tu la ma’kada, kumua: Masakina’, belanna mintu’ to torro lan dipa’deimo tu kasalanna.

KATASSURAN 34:7

tu umpatontong kamasokananNa lako ma’sa’bu-sa’bu tau, tu umpagarri’ mintu’ kapatodo-tintingan sia kakelokan sia kasalan; inang tae’ nabilang maseroi tu mintu’ to umpogau’ kasalan, sangadinna umpapakkanni kakelokanna mintu’ ambe’ lako anak-lanto mimi’na sae lako osso’ ma’pentallunna sia ma’penna’pa’na.

PA’PUDIAN 41:8

Mintu’ to ungkabiri’na’, sibisik-bisik umpokadana’, sia sanda kakadakean, natannunanna’ nakua:

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

PA’PUDIAN 130:4

Apa dio kalemi den kaumpa’deian kasalan, kumua anna kabangnga’Komi tau.

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.