PA’PUDIAN 102:26 - Sura' Madatu

²⁶ Iatonna dolona Kamumo unnoton parandangan lino, na iatu langi’ lalan limamMi.

PA’PUDIAN 102:26 Referans Kwoze

YESAYA 51:6

Mentingarakomi langngan langi’, sia mentirokomi rokko kuli’na padang; belanna iatu langi’ la pa’de poton susi rambu sia iatu lino la buruk susi tamangkale sia iatu mai to untorroi, mate susi kasisi’; apa iatu kasalamaran lu dio mai Kaleku tontong sae lakona, sia iatu kamaloloangKu tae’ nala disanggang.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

YESAYA 34:4

Attu iato mintu’ ma’dandan maritik la buruk sia mintu’ langi’ la tilulun susi misa’ sura’ sia mintu’ ma’dandan maritikna la rondon susi daun dio mai garonto’ anggoro’ sia susi daun dio mai garonto’ ara.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

LUKAS 21:33

Iatu langi’ sola lino la pa’de, apa iatu kadangKu tae’ nala pa’de.

KADA OMBO’ LAKO RASULU’ YOHANES 21:1

Pakalan kutiro polemi tu langi’ ba’ru sia lino ba’ru, belanna iatu langi’ sia lino bunga’na lanna’mo, sia iatu tasik tae’ dukamo.

ROMA 8:20

Belanna mintu’na angge maritik mangkamo dipopengkanorong lako tae’na gai’na, tangia lalan penaanna kalena, sangadinna lalan pa’poraianNa tu To umpopengkanorongi, apa den rannunna,

YESAYA 66:22

Belanna susitu langi’ ba’ru sia lino ba’ru tu la Kupadadi, la tontong dio oloKu, kadanNa PUANG, la susi dukato tu bati’mi sia sangammi la tontong sae lakona.

PA’PUDIAN 102:12

Iatu katuoangku susito bayo-bayo kalando, sia malayuna’ ten to riu.

YESAYA 65:17

Belanna inang la ungkombongNa’ langi’ ba’ru sia lino ba’ru; iatu mintu’ apa dolo tae’mo nadianna batu silambi’ lan penaa.

KATASSURAN 3:14

Ma’kadami tu Puang Matua lako Musa Nakua: Aku Den tu inang Denna’ sia Nakuapa: Susite tu la mupokada lako to Israel, kumua: Aku Den tu ussuana’ sae lako kalemi.

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

AYUB 38:4

Umbara munii tongKu parandanganni te lino? Pokadaikae, ke denni inaammu!