PA’PUDIAN 102:21 - Sura' Madatu

²¹ La umperangii sarrona mintu’ to dipattang, sia la urrampanan mintu’ to dilampakmo la dipatei.

PA’PUDIAN 102:21 Referans Kwoze

PA’PUDIAN 22:22

Lussuranna’ dio mai sadang singa, sia dio mai tanduk tedong lampung. Mipebaliimo’.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

EFESUS 3:21

lu lako duka tu mintu’na kamala’biran lan kombongan sia lan Kristus Yesu tontong siosso’ sae lakona! Amin.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

PA’PUDIAN 79:13

Na kami te, taumMi, sia domba Mikambi’, la umpudiKomi tontong sae lakona, sia kisiosso’i umpa’peissanan kadipudi-pudiamMi.

KATASSURAN 3:16

Malemoko ammu rampunni tu mintu’ to matua-tuanna Israel, sia ma’kada lako tau iato mai, kumua: Iatu PUANG, Kapenombanna nene’ to dolomi iamotu Kapenombanna Abraham, Ishak na Yakub paan lako kaleku sia Nakua: Kutiro tonganmokomi sia iatu mintu’ apa digaurangkomi dio tondok Mesir.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

PA’PUDIAN 79:11

Melo kerampoi lako oloMi tu sarrona to dirampa, sia belanna kakapuanna kuasamMi rinding pala’i dikka’ tu mintu’ to dilampakmo la dipatei.