PA’PUDIAN 102:18 - Sura' Madatu

¹⁸ Napalempeimo talinga tu passambayangna to dipangrampai, na iatu passambayangna tae’ anNa tiro baitti’i.

PA’PUDIAN 102:18 Referans Kwoze

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

YESAYA 43:21

Iatu bangsa mangka Kukombong la umpakala’bi’Na, la umpatale’ kadipudiangKu.

2 PETRUS 1:15

dikua anna lan duka mintu’na attu, ke matemo’ la mibela umpengkilalai tu mintu’nato.

1 KORINTUS 10:11

Mintu’nato, mangkamo urrampoi tu tau iato la dadi misa’ sangka’ sia mangka disura’ la mendadi pa’pakilala lako kaleta, tu kita to nalambi’ tiparanta’na lino.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

YOHANES 20:31

apa iate iannate mangkamo disura’, ammi katappa’i kumua iatu Yesu Iamo Mesias, tu AnakNa Puang Matua, sia kumua diona kapatonganammi mipotuoi tu sanganNa.

DANIEL 9:2

tonna taun pamulanna kadatuanna, iate aku, Daniel, kuparessa tonganmi lan lu ba’tu pira-pira sura’ tu bilangan taun, diona tu napomangka kadanNa PUANG rampo lako nabi Yeremia kumua Puang umpadaun lauanni tu Yerusalem pitung pulo taunna.

YESAYA 43:7

mintu’ tu mai to disa’buran sangangKu, tu mangka Kupadadi la Kupomala’bi’, tu Kutampa sia Kukombong.

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.

PA’PUDIAN 48:13

La ullilingikomi Sion sia salongi, mibilangi tu menarana.

KATASSURAN 17:14

Ma’kadami PUANG lako Musa, Nakua: Sura’i te tama misa’ sura’, la dadi misa’ kapengkilalan la dinanna batu silambi’ sia patobangi tama talinga duanna Yosua te kada iate, kumua Aku la umputtai tu mintu’ kapengkilalan diona Amalek lan nasambo langi’.

PA’PUDIAN 69:34

Belanna Natanding talinga PUANG tu to tae’, sia mintu’ taunNa tu dipattang tae’ Natapa’.