PA’PUDIAN 102:17 - Sura' Madatu

¹⁷ Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 102:17 Referans Kwoze

NEHEMIA 1:6

La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

PA’PUDIAN 72:12

belanna ia la ungkaduttu’ to mase-mase, tu mengkamoya, sia to mandasa sia to tae’ to patunduanna.

PA’PUDIAN 22:24

E kamu mintu’ to ungkataku’ PUANG, pudiMi, e kamu mintu’ tarukna Yakub pakala’bi’Mi, sia kasiri’I, e mintu’ bati’na Israel!

PA’PUDIAN 9:18

Ondongpi iatu to tang mekaaluk tipero’ rokko lino to mate, iamotu mintu’ bangsa untananni boko’ Puang Matua.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

PA’TOLE 4:29

Ammu daka’i dio tu PUANG, Kapenombammi, ammu kabu’tui, ke kalebu tonganni penaammu sia deatammu male undaka’I.

NEHEMIA 1:11

O PUANG, tananni talingamMi tu passambayangna taumMi sia iatu passambayangna mintu’ taumMi, tu parannu penaanna ungkabangnga’ sangamMi, sia pamaupa’i tu taumMi allo iate, dennoupa’ nalolongan kamamasean dio olona tau iate. Belanna iate aku te pangulu to ma’pairu’na datu.

PA’PUDIAN 69:23

Da’ito namendadimora poya tu medana dio tingayona, sia iatu to nasolan kumande mendadi misa’ ba’tikan.

NEHEMIA 2:20

Apa kubali tu tau iato kukua: iatu Puang Matua dao suruga Iamo la umpamaupa’ pengkarangangki, na kami, te taunNa, la ke’de’ umbangunni; apa iatu kamu tae’ taami ba’tu patu borongmi ba’tu kadipengkilalaiammi lan Yerusalem.

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

YEREMIA 31:38

Tonganna la sae tu allona, kadanNa PUANG, kumua iate kota iate la dipabendanan PUANG randuk dio mai menara Hananeel sae lako Babangan tetuk.