PA’PUDIAN 102:16 - Sura' Madatu

¹⁶ Susinnamoto la nanii mintu’ bangsa ungkataku’ sanganNa PUANG, sia mintu’ datu lan te lino la ungkataku’ kamala’biramMi.

PA’PUDIAN 102:16 Referans Kwoze

YEREMIA 33:7

Sia la Kupopembali tu toto’na Yehuda sia Israel sia la Kupabangun tu tau iato mai susito dolona.

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

MIKHA 2:9

Mintu’ tu bainena taungKu mirambai lan mai banua karongkosanna, sia dio mai anakna mialai tu kamala’birangKu tontong sae lakona.

YEREMIA 31:4

La Kubangunangko sule, ammu bendan sule, e anak dara Israel! La ma’beloko sule sia ma’dedek ganda’-ganda’ ammu tassu’ sola to ma’marua’-rua’ ma’gellu’.

YESAYA 66:18

Belanna Ku (tandaimo) tu penggauranna sia tangnga’na tu tau iato mai; la rampo (tu attu) dinii umpasipulungi tu mintu’ bangsa sia mintu’ basa; anna tiroi tau iato mai tu kamala’birangKu.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

YESAYA 60:7

Mintu’ dombana Kedar la dipopa’misa lako kalemu sia mintu’ domba lakinna Nebayot la dirambangko ammu poapai; la dipalangngan inan pemalarangKu, anna dipemalaran napopaiman penaangKu sia iatu banua mala’bi’Ku la Kupamala’bi’.

YESAYA 14:26

Iamote tu mangka dilampak lako mintu’ lino sia iamote tu lima tie’te’ lako mintu’ bangsa.

PA’PUDIAN 97:6

Iatu kamaloloanNa napatale’ langi’ sia mintu’ bangsa untiromo kamala’biranNa.

PA’PUDIAN 69:35

La napudi langi’ sola lino tu Puang, sia mintu’ tasik sola mintu’ tu angge menono’ lan.

PA’PUDIAN 51:18

Belanna tae’ Mianga’i tu pemala’ pangrere’, kenna la susito, manassa la kupemalaran; sia iatu pemala’ ditunu pu’pu’ tae’ duka naalai penaamMi.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

YESAYA 60:3

Mintu’ bangsa la umpengkara’pai arrangmu sia mintu’ datu umpengkara’pai kamarorrongan bu’tu dio kalemu.

MALEAKHI 1:14

Tampak ropu duka lako tu to ma’pakena, ke denni misa’ patuoan laki lan tuntunanna, tu mangka nadandi lan pangallonanna, apa napennoloan tu misa’ patuoan tu den tattanna lako PUANG! Belanna Aku te, Datu pasareongan, kadanNa PUANGna mintu’ ma’dandan maritik, sia metakuran tu sangangKu dio lu mintu’ bangsa.