PA’PUDIAN 102:15 - Sura' Madatu

¹⁵ Belanna mintu’ taumMi ungkamali’ batunna Sion, sia tang namasean tu barra’-barra’na.

PA’PUDIAN 102:15 Referans Kwoze

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

PA’PUDIAN 138:4

Mintu’ datu lan lino la umpudiKomi, o PUANG, ke narangimi tu kada ombo’ dio randan pudukMi.

PA’PUDIAN 86:9

Mintu’na bangsa tu mangka Mikombong la sae menomba dio oloMi, o Puang, sia umpakala’bi’ sangamMi.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

KADA OMBO’ LAKO RASULU’ YOHANES 21:24

Na mintu’ bangsa la lolang lan arrangna, sia mintu’ datu lan lino la umbaa kamala’biranna tama tondok iato.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

NEHEMIA 1:4

Iatongku rangii te mintu’ kada iate, unno’ko’mo’ tumangi’ sia ma’pote dibolong ba’tu pirang-pirang allo. Ma’puasa dukamo’ sia massambayang dio oloNa Puang Matua dao suruga,

NEHEMIA 2:3

Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

NEHEMIA 2:17

Attu iato ma’kadamo’ lako tau iato mai kukua: Mitiromo tu kadipandasanta, kumua iatu Yerusalem sanggangmo na iatu mai babanganna puramo diballa api. Maikomi tabangunni sule tu rinding tembo’ Yerusalem, anna damo tapomatunai.