PA’PUDIAN 102:11 - Sura' Madatu

¹¹ Diona kare’dekamMi sia kasengkeamMi. Belanna mangkamo’ Miangka’, amMi tibe polena’ sule.

PA’PUDIAN 102:11 Referans Kwoze

PA’PUDIAN 109:23

Potonna’ butung bayo-bayo ma’erru’ ke la botoi tu allo, sia tipentia’ lenna’ butung batik.

AYUB 14:2

Susito bunga tiballa’ anna malayu, sia lendu’ susito bayo-bayo sia tae’ natontong.

PA’PUDIAN 144:4

Iatu to lino ten to damo’, sia iatu sunga’na butung bayo-bayo pa’de poton.

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;

YAKOBUS 4:14

apa tae’ miissanni tu apa la dadi masiangna to. Umbara nakua tu katuoammi? Belanna susi bangrokomi to rambu, sattu’ri ditiro, anna pa’demo.

YAKOBUS 1:10

apa to sugi’ diona kadipamadionganna, belanna la pa’de ia undinna butung ta’bi riu.

TOMANGADA’ 6:12

Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?

AYUB 19:10

Narondonnimo’ tiku lao, kuurungan sabu’, sia iatu pa’rannuanangku Nalampi’i susito sangbatang kayu.

BATING 3:1

Iatu aku te umperasaimo’ kamandasan napobua’ pebamba kare’dekan ara’Na.