PA’PUDIAN 101:8 - Sura' Madatu

⁸ Melambi’oi la kusabu’ioi tu mintu’ to tang mekaaluk lan padang iate, angku roto’i lan mai kotaNa PUANG tu mintu’ to umpogau’ kakadakean.

PA’PUDIAN 101:8 Referans Kwoze

PA’PUDIAN 75:10

Apa iate aku la tontong bang kupa’peissanan tu iannato, sia umpakendekan pa’pudian Kapenombanna Yakub.

YEREMIA 21:12

Nakua PUANG: Madomi’komi umpaolai salunna sia rampananni tu to dirampa apanna lan mai limanna to ma’pakario-rio, da namendelok tu kare’dekangKu susi api sia dukku naurungan moi misa’ tau tae’ nakulle umpa’deanni, napobua’ kakadakeanna mintu’ penggaurammi.

SARAMBU PEADA’ 16:12

Nakagalli datu umpogau’i tu katangmekaalukan, belanna tete dio kamaloloan nadipabantang tu isungan kapayunganna.

SARAMBU PEADA’ 20:8

Misa’ datu tu unnisung dao kadera pa’paolaian salu, matanna bangsia umpasilaenanni tu kadake na melo.

PA’PUDIAN 48:8

Angin lu lan mai rampe matallo mipatiramo-ramoanni tu kappala’ Tarsis.

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

HOSEA 9:3

Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

SARAMBU PEADA’ 20:26

Iatu misa’ datu kinaa unta’pii to tang mekaaluk, sia napalullu’i roda panglulluran.

PA’PUDIAN 48:2

Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

PA’PUDIAN 46:4

Moi anna mongngo’ sia tikula’dak tu uainna, sia moi anna mintu’ buntu tiseno napobua’ tikula’dakna. Sela Apa Puangna mintu’ ma’dandan maritik urrondongkanni, sia iatu Kapenombanna Yakub iamo kipotambakuku matoto’. Sela

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

PA’PUDIAN 92:10

Belanna manassa mintu’ ualimMi, o PUANG, manassa mintu’ ualimMi la sanggang. Sia mintu’ tu to umpogau’ kakadakean la dipasisarak-sarak.