PA’PUDIAN 101:4 - Sura' Madatu

⁴ Iatu penaa leko’ la kupatoyang dio mai kaleku, sia iatu to kadake gau’ tang la kuposola.

PA’PUDIAN 101:4 Referans Kwoze

SARAMBU PEADA’ 11:20

Iatu to leko’ penaanna Nakagalli PUANG, apa iatu to malolo gau’na iamo Naposende.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

MATIUS 7:23

Attu iato la Kupamaleso tu kadangKu lako tau iato kumua: Tae’pa Aku Kutandai lenkomi; pallaikomi dio mai Kaleku, e kamu to umpogau’ kakadakean.

SARAMBU PEADA’ 22:24

Da musisangmane to sengkean sia da musikalute to arasan,

SARAMBU PEADA’ 9:6

Tampemi tu mintu’ katangpaissanan, ammi tuo, sia olaimi tu lalan tangnga’ kinaa.

SARAMBU PEADA’ 8:13

Iatu a’gan ungkataku’ PUANG iamotu ungkabiri’ kakadakean; kukabiri’ tu kamadaoan penaa, kamatampoan, penggauran bulituk sia sadang naponnoi pa’bulang leko’.

PA’PUDIAN 119:115

MallaiKomi dio mai kaleku, e kamu to umpogau’ kakadakean, Angku kullei ungkaritutui pepasanna Kapenombangku.

SARAMBU PEADA’ 3:32

belanna Nakagi’gi’ PUANG tu to leko’, apa iatu to bulo lollong Naposangmane tongan.

PA’PUDIAN 6:8

Malanmo tu matangku napobua’ karosso-inaan, sia tang tibida’ natumang mintu’ ualingku.

2 KORINTUS 11:33

Angku dirorro’ lan buria’ rokko tembo’ dao mai pentiroan, anna susito tilendokmo’ dio mai limanna.

PA’PUDIAN 26:4

Tae’ kusango’koran len to leko’ penaanna, sia tae’ kusiayoka len to belo puduk.

PA’PUDIAN 26:5

Kukabiri’ tu kombonganna to umpogau’ kakadakean, sia tae’ kusango’koran to tang mekaaluk.

SARAMBU PEADA’ 29:27

Iatu to kelok napomagalli to malambu’, apa minda-minda unnola tonganna iamo napomagalli to tang mekaaluk.