PA’PUDIAN 100:4 - Sura' Madatu

⁴ Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

PA’PUDIAN 100:4 Referans Kwoze

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

1 OSSORANNA DATU 29:13

Totemo, o Kapenombangki, kipudi-pudiKomi, sia kipakala’bi’ tu sanga madatumMi.

PA’PUDIAN 66:13

La tamana’ banuamMi umpennoloan pemala’ ditunu pu’pu’, la umpalesso’ pangallonangku mati’ Kalemi:

YESAYA 35:10

mintu’ to Nala’bak PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna; tau iato mai la unnappa’ kasendean sia kaparannuan, apa mintu’ kamasussan sia kasumarroan la mallai.

PA’PUDIAN 96:2

Penaniammi tu PUANG, sia pudii tu sanganNa; pasitarru’-tarru’i tu allo Minii umpa’peissanan kasalamaran lu dio mai Kalena.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

PA’PUDIAN 65:1

Lu lakona pangala sengo. Pa’pudianna Daud. Misa’ nanian.

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

PA’PUDIAN 96:8

Ondongpi palulakoi PUANG tu kamala’biranna sanganNa, pennoloanni tu pemala’, ammi tama tarampakNa.

PA’PUDIAN 99:3

Sipatu mintu’ la umpudi tu kakapuanna sangamMi sia kametakuranna; Masero Ia.

PA’PUDIAN 122:2

Susimoto, kilesemo tu babanganmu, e Yerusalem.

PA’PUDIAN 122:4

Mintu’ suku male nasang lako, iamotu mintu’ sukunNa PUANG. Den pepasan lako to Israel la umpudi sanganNa PUANG.