PA’PUDIAN 10:9 - Sura' Madatu

⁹ Mangaung dio to’ kabunianna butung to singa lan to’ kakayuanna; sia mangaung la undammak to dipandasa. Nadammakmi tu to dipandasa, nariu’i tama bundena.

PA’PUDIAN 10:9 Referans Kwoze

PA’PUDIAN 17:12

Butungi to singa maduang la ussammang pealanna, sia butung to anak singa ma’pakari’di’ lan to’ kabunianna.

PA’PUDIAN 59:3

Rampananna’ dio mai mintu’ to umpogau’ kakadakean, sia lendokanna’ dio mai mintu’ to umpato’do rara.

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

PA’PUDIAN 35:10

Mintu’ kaleku sae tama bukungku la ma’kada kumua: O PUANG, mindara tu sitinti batumMi, urrampanan to mandasa dio mai to ussau’i, ondongpi to mandasa sia to bongko dio mai to umpangrampai?

YOHANES 10:12

Apa iatu to sumaro tangia to mangkambi’, sia iatu domba tangia apanna, ianna tiroi tu guruk sae, natampemi tu mai domba namale umpallaian kalena, naalai guruk tu domba sia napasisarak-sarak.

ZAKHARIA 11:3

Perangii tu sarrona to mangkambi’, belanna sanggangmo tu kamala’biranna; perangii tu burrungna singa mangura, belanna iatu kamaballoanna Yordan sanggangmo.

HABAKUK 3:14

Anak panana duka ia la Mitossokan tarru’i, tu ulunna surodadunna, tu sae palaoan la mela’tek umpatisambo’na’, butung to unnampello’ to mandasa lan inan kabunianna.

AMOS 3:4

Ma’dinraka tu singa umburrung-burrung lan lu pangala’, ke tae’i tu kandena? Ma’dinraka tu singa mangura gumarau-rau lan mai lo’ko’na, ke tae’i apa nadammak?

YEHEZKIEL 22:29

Iatu tau lan tondok ma’paruku sia mangrampa; umpandasa to bongko sia to mase-mase sia umpakario-rio to sae unnea katonganan.

BATING 3:10

Iamo butung misa’ beruang mangamu’ lako kaleku, butung misa’ singa dio to’ kabunianna.

YESAYA 32:7

Iatu to pa’pakenan, kadake tu mintu’ tangnga’na: kabulitukan manna natangnga’, ma’kada tang tongan la ussanggangi to bongko, moi anna tuntun salunna tu to bongko.

YESAYA 3:15

Apara bannangna ammi lullu’ parapari tu taungKu sia ammi bala’-bala’ to mandasa? KadanNa Puang, PUANGna mintu’ ma’dandan maritik.

SARAMBU PEADA’ 28:15

Susi singa umburrung sia susi beruang tangdia’, susi dukamo a’ganna to tu pangulu tang mekaaluk umparenta misa’ bangsa malamma’.

SARAMBU PEADA’ 22:16

Minda-minda umpandasa tobongko, umpamaupa’ tobongko; naminda-minda umben apa tosugi’, umpakalala’ tosugi’.

SARAMBU PEADA’ 14:31

Minda-minda tu umpakario-rio to bongko, iamo umpamatuna Totumampana apa minda-minda ungkamasei tu to mase-mase, iamo umpakala’bi’ Puang.

PA’PUDIAN 140:5

O PUANG, rinding pala’na’ dio mai limanna to tang mekaaluk, sia kulambu tarunona’ dio mai to masa’ga’, tu morai la umpatilende’na’.

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PENGGAURANNA RASULU’ 23:21

Apa da mimorai nanaran-naran tu tau iato la umparundu’i tu lalan penaanna, belanna la’bi patangpulo tu tau unnaunganni sia ussumpa kalena tae’ nala kumande sia mangiru’, ke tae’ pi napatei tu Paulus; totemoto marea bangmo umpeagii tu kamipalaloanna.

HABAKUK 1:15

Napekan nasang kendek, napaalai dalla’na, anna riu’i sia narampun tama bundena; iamoto naparannu sia mela’tek-la’tek.

YEREMIA 5:26

Belanna dio lu mintu’ taungKu diapparan tu to tang mekaaluk, tu mangodo’-odo’ susito ma’poya lumbang untanan poya la umpoya tau.

PA’PUDIAN 37:14

Iatu to tang mekaaluk unnonok la’bo’na sia umpatu’tun bulianna, la ussongkan to mandasa sia to mase-mase, sia la ussampan-sampan to unnola lalan kabulo-lollongan.

PA’PUDIAN 109:31

Belanna la bendan dio to’ kananna to mase-mase, la ullendokanni dio mai tu to umpasalai.