PA’PUDIAN 10:2 - Sura' Madatu

² Tu belanna kamatampoanna to tang mekaaluk anna pandasai tu to makario-rio, melo ke didammakki tu tau iato mai lan pakira-kiranna tu napana’ta’.

PA’PUDIAN 10:2 Referans Kwoze

PA’PUDIAN 59:12

Da Mipatei tu tau iato mai, da natang ungkilalai bangsaku; sangadinna pasalamba-salaoi tu tau iato mai tete dio kuasamMi, sia tibei lao, o Puang, balulang toto’ki.

PA’PUDIAN 36:11

Patontongi tu kamasokanamMi lako to untandaiKomi sia kamaloloamMi lako to bulo lollong penaanna.

PA’PUDIAN 7:16

Umbo’bokmo patuang lambe’, namukkun ussindungi; apa ia kalena tobang rokko tu patuang nagaraga.

SARAMBU PEADA’ 5:22

Iatu to tang mekaaluk la napungo kalena kakadakeanna, sia la napurru’ poya kasalanna.

PA’PUDIAN 119:122

Payo-payoi tu taumMi anna pomeloi, da anna pakario-riona’ to matampo.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

PA’PUDIAN 140:5

O PUANG, rinding pala’na’ dio mai limanna to tang mekaaluk, sia kulambu tarunona’ dio mai to masa’ga’, tu morai la umpatilende’na’.

PA’PUDIAN 119:85

Nagaragammo’ patuang lambe’ to matampo, tu mai to tang unturu’ sukaran alukMi.

PA’PUDIAN 119:69

Napasussuimo’ kadake to matampo apa kukaritutui tu mintu’ parentaMi situang penaa lantukku.

YEREMIA 43:2

nakuami tu Azarya, anakna Hosaya sia Yohanan, anakna Kareah sia mintu’ to matampo lako Yeremia: Tae’ natongan te kadammi; tae’ Nasuakomi PUANG, Kapenombanta, umpepasananni kumua: Da mimale lako Mesir la mentiruran dio.

YESAYA 14:16

Iatu to untiroko napatontongiko mata sia namanta-mantako anna ma’kada nakua: Iamoraka te tu umpamarukka issinna lino pirangbongi’ sia umpatigega’ mintu’ parenta?

YESAYA 14:13

Mukua lan penaammu susite: La kendekna’ langngan langi’, la umpalayukna’ isungangku dao mintu’ bintoenNa Puang Matua, kutongkon unnisung dao buntu pa’kombongan daa tiparitikna mata uai.

PA’PUDIAN 119:5

Sangapaoi anna matontongan tu mintu’ tengkaku, unturu’ aluk mangka Mipondok.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

KATASSURAN 9:17

Tontong bangpoko undampa taungKu, tang mueloran male.

PA’PUDIAN 109:16

Tu belanna tae’ anna kilalai la umpa’pekitanan kamamasean, sangadinna unnula’ sumpu to mandasa sia to mase-mase sia to bonnong penaanna, samatena.