PA’PUDIAN 10:16 - Sura' Madatu

¹⁶ PUANGmo tu Datu tontong sae lakona. Mintu’ bangsa maipi’mo lan mai padangNa.

PA’PUDIAN 10:16 Referans Kwoze

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

PA’PUDIAN 29:10

Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’TOLE 8:20

Susitu mintu’ bangsa, tu Namangsanni PUANG belanna kamu, iamoto la mangsan dukakomi, belanna manokakomi umperangii tu gamaranNa PUANG, Kapenombammi.

BATING 5:19

O PUANG, Kamu tu unnisung tontong sae lakona, iatu isungan kapayungamMi landa’ lako disituran-turananni.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

PA’PUDIAN 146:10

Iatu PUANG, iamo Datu matontongan sae lakona, sia iatu kapenombammu, e Sion, landa’ lako disituran-turananni. Haleluya!

PA’PUDIAN 93:1

PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

PA’PUDIAN 9:15

Kumua angku uleleanni tu mintu’ penggauran mala’bi’Mi, angku lo’dok to kaiyangan lan babanganna anak dara Sion belanna kasalamaran lu dio mai Kalemi.

PA’PUDIAN 9:5

Belanna Miposara’mo tu kara-karaku sia panuntunku, unnisungmoKomi dao isungan butung to ma’paolai salu tang pakayun bimbang.

KATASSURAN 15:18

Iatu PUANG ma’parenta tontong sae lakona.

1 OSSORANNA DATU 29:11

Kamumo, o PUANG, unnampui kapasareonganan sia kamatotoran, kamala’biran, kadipangkeran sia kabarre-alloan. Kamuri tu unnampui tu mintu’na apa dao langi’ sia lan lino; Kamuri tu unnampui kadatuan, o PUANG, sia Kamu unnampui kapaan undaoanni mintu’ apa.

PA’PUDIAN 9:8

Apa iatu PUANG unnisungi isunganNa tontong sae lakona, sia napatorro melomo tu isunganNa la Nanii ma’paolai salu.