PA’PUDIAN 10:14 - Sura' Madatu

¹⁴ Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 10:14 Referans Kwoze

PA’PUDIAN 68:5

Penanianni tu Kapenomban, pakendekanni pa’pudian tu sanganNa, ranteanni batattaNa tu To ma’kareta dio lu padang alla’; iatu sanganNa digente’ PUANG, ammi lo’dok to kaiyangan dio oloNa.

PA’PUDIAN 146:9

PUANG urrinding pala’ to sae, sia ungkulambu taruno pia biung sia baine balu, apa iatu lalanna to tang mekaaluk Naempai.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

YEREMIA 49:11

La kukaritutui tu mintu’ anak biungmu sia melo ke rannu lakoi kaleku tu mintu’ baine balummu.

PA’PUDIAN 55:22

Iatu pudukna mandu malannang anna bumbungan pa’pamakko, apa iatu penaanna lan passigagan, sia iatu buangan kadanna mandu malamma’ anna boka’, apa mintu’nato butung to la’bo’ tibua’.

PA’TOLE 10:18

tu untonganan kara-karana pia biung sia baine balu sia umpa’petiroan kamamasean lako to sae, ke Nabenni roti sia pakean.

1 PETRUS 5:7

Sorongi tu mintu’ kamasussammi lako Kalena, belanna Ia ungkaritutuikomi.

1 PETRUS 4:19

Iamoto sipatu tu mintu’ to umperasai kamaparrisan situru’ pa’poraianNa Puang Matua ussorong penaanna lako To tumampa maruru’, anna pogau’ kamalamburan.

2 TIMOTIUS 1:12

Iamo bannangnato, angku perasai dukai te mintu’nate. Apa tae’ duka kupomasiri’i, belanna kuissan kumua minda tu kupatonganmo sia kukatappa’i, kumua Iamo kuasa la ungkarimmanni tu apa kupa’peannan landa’ lako tu Allo iato.

HABAKUK 1:13

Mandu masero tu matamMi untiro kakadakean, sia tang Mitanan umpemarangai tu pa’pakario-rio, ma’apai Minenne’ umpemarangai tu to tang maruru’ sia kappaKomi, ke naampello’i to tang mekaaluk tu to mandu malambu’ na ia.

YEREMIA 51:56

Belanna iatu pa’kasanggang sae ullaoi Babel sia iatu mai pa’baraninna dirampa sia le’to tu mintu’ panana, belanna iatu PUANG, Puang Matua ma’pabala’, manassa la ma’pabala’i.

YEREMIA 16:17

Belanna matangKu umpenunui tu mintu’ tengkana tau iato mai, sia tae’ nakabunian dio oloKu sia iatu kakadakeanna tae’ nakarerungan dio pentiroKu.

SARAMBU PEADA’ 15:3

Iatu matanna PUANG umpemaranga mintu’ inan, sia umpemaranga mintu’ to kadake sia tomelo.

PA’PUDIAN 35:22

Mitiromo to, o PUANG, da Mima’pakappa bang; o Puang, da Mitoyanganna’.

PA’PUDIAN 22:11

Dipa’pebarakkanammo’ mati’ Kalemi randuk lan mai pa’tambukan, sia Kamumo tu Kapenombangku tempon lan mai patindoan taunna indo’ku.

2 OSSORANNA DATU 6:23

la Miperangii dao mai suruga, sia la Mipogau’ to, sia la Mipaolai salunna tu taumMi, amMi papakkanni lako to tang mekaaluk tu penggauranna sia Mipasule langngan botto ulunna, amMi tonganni tu to tongan sia Mipapakkanni sitinaya kamalamburanna.

2 DATU 9:26

Sangmai’ bongi Kutiroi tu rarana Nabot sola tu mai anakna, kadanNa PUANG. La Kupa’tuntunniko bala’na dao te pa’lak, kadanNa PUANG. Totemo angka’mi, ammu pentibeanni tama pa’lak iate, susitu kadanNa PUANG.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

YOËL 3:4

Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.

YESAYA 10:3

Apa apara la mipogau’, ke allo kadiukungan sia ke naruakomi kasanggangan bu’tu mambela? Mindara la minii mallai umpalaku pa’tunduan sia umbara la minii umpalumpunni meloi tu kamala’birammi?

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

KADADIAN 21:17

Iatu gamaranna tinde pia narangi Puang Matua, Nametamba tu Malaeka’Na Puang Matua dao mai suruga ma’kada lako Hagar Nakua: Matumbaroko Hagar? Da mumataku’, belanna Naperangiimo Puang Matua tu gamaranna tinde pia dio mai to’ inanna.

KADADIAN 31:12

Nakuami: Totemo bangunanni tu matammu, tiromi tu mintu’ bembe’ laki, tu urrundu’ bembe’ birang, den balo, den sambo ra’tuk den saleppang, belanna Kutiro nasangmo tu mintu’ penggauranna Laban lako kalemu.

KATASSURAN 2:25

Natiromi Puang Matua tu to Israel sia Nakilalai.

KATASSURAN 22:22

Da mipakario-rioi tu baine balu ba’tu pia biung.

KATASSURAN 22:26

Iake unnala pentoeko bayu lamba’na solamu, manassa la mupasulean dolo, namane lambun allo.

2 SAMUEL 16:12

Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

2 OSSORANNA DATU 24:22

Tae’mo nakilalai datu Yoas tu kamasokanan napogau’ Yoyada, ambe’na, lako kalena, sangadinna napatei tu anakna. Iatonna mateanni tu Zakharia, ma’kadami nakua: Na PUANGmora untiroi sia umpabala’i!

PA’PUDIAN 31:8

La umpomela’tekna’ sia umpoparannu kamasokanamMi, belanna Mitiromo tu kamandasangku, sia Miissanmo tu kamaparrisanna deatangku.

PA’PUDIAN 68:6

Iatu Puang Matua tongkon lan inan maindanNa, Iamo umpoanak pia biung sia to ma’pakalolona mintu’ baine balu.

SARAMBU PEADA’ 15:25

Iatu banuanna to matampo la Narondon PUANG, apa Napabantang tu katonan padangna to balu.

BATING 3:59

Mitiro, o PUANG, ditampun pusa’ bang tu kara-karaku, sanda tonganni tu kara-karaku.

BATING 3:60

Mitiro tu kamagallianna tau iato mai sia mintu’ tangnga’na la ussanggangna’.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.