PA’PUDIAN 10:13 - Sura' Madatu

¹³ Matumbai anna tontong bang tu to tang mekaaluk umbelle’ Puang Matua, sia nakua lan penaanna: Tae’ amMi la mepapakkanni?

PA’PUDIAN 10:13 Referans Kwoze

LUKAS 10:16

Minda-minda tu umperangiikomi, ia dukamo umperangiiNa’ na minda-minda tu untumpukomi, ia dukamo untumpuNa’, na iatu to untumpuNa’, iamo untumpui tu To mangka ussuaNa’.

PA’PUDIAN 74:18

O PUANG, kilalai tu diona uali untelleKomi, sia bangsa tae’ pa’inaanna untunai sangamMi.

PA’PUDIAN 74:10

O Puang Matua, sangapapakan la natelle tu mati’ to unneakan? Sia la tontong bangraka tu uali la untunai sangamMi?

2 OSSORANNA DATU 24:22

Tae’mo nakilalai datu Yoas tu kamasokanan napogau’ Yoyada, ambe’na, lako kalena, sangadinna napatei tu anakna. Iatonna mateanni tu Zakharia, ma’kadami nakua: Na PUANGmora untiroi sia umpabala’i!

KADIBILANGAN 11:20

sangadinna la sipeupu’ sangbulan, naurungan tassu’ lan mai illongmi, ammi bossa ungkandei. Belanna mipamatuna tu PUANG, tu misisolan sia sumarrokomi dio oloNa, mikua: Ma’apai angki tassu’ lan mai Mesir?

KADADIAN 9:5

Tonganna tongan kumua iatu rarami la Kupembalaran, la Kupembalaran lako mintu’ olo’-olo’ sia lako duka tolino, lako mintu’ tolino la Kupembalaran rarana padanna tolino: la Kupembalaran tu sunga’na tolino.

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

KADADIAN 42:22

Mebalimi Ruben nakua: Tangkupokadan rokomika kukua: Da mipogau’ kasalan lako te to mangura! Apa tae’ mimorai umperangii; iamoto tiromi: totemo dituntun tu bala’na rarana!

PA’TOLE 29:18

Iamoto da naden dio lu kamu tu muane ba’tu baine, ba’tu pa’rapuan ba’tu suku, tu sorong boko’ penaanna totemo dio mai PUANG, Kapenombanta, la umpenombai deatanna bangsa iato; da miden misa’ mentaruk tu la umpaden ipo ba’tu apsantin

AYUB 24:12

Lan mai kota nanii kendek tu sarro pekaindo’na to la mate sia penaanna to bangke metamba umpalaku pa’tunduan, apa tang Napalan penaa Puang Matua tu passambayangna.

AYUB 24:23

Puang ungkarimmanni kamarampasan tu tau iato, anna posanderanni sia matanNa Puang ummanta-mantai tu lalanna.