OBAJA 1:3 - Sura' Madatu

³ Kamatampoammu umpakenamoko, e to untorroi lo’ko’ buntu batu, iamotu inan madaoammu, sia iatu ma’kada lan penaammu, kumua: Mindara umbelai la untua’na’ rokko padang?

OBAJA 1:3 Referans Kwoze

YEREMIA 49:16

Iatu apa metakurammu sia kamatampoammu umpakenamoko. E to untorroi lo’ko’ buntu batu sia la’ka’ lako botto tanete, moi unggaragako serangmu pada langka’ serang langkan maega, la Kutua’ dukako inde to dao mai, kadanNa PUANG.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

YESAYA 16:6

Kirangimo tu kamadaoan penaanna to Moab, kumua matampo maro’ ia, sia kamatampoanna sia kamadoanna penaanna sia kamasa’garanna sia kada tang kebattuanna.

2 DATU 14:7

Natalomi tu to Edom diong Lombok Ma’sin sangpulo sa’bu tau, sia natalo tu kota Sela tonna rarii, anna sangai Yokteel sae lako allo totemo.

MALEAKHI 1:4

Iake ma’kadai tu Edom nakua: Mangkamokanni disanggangi, apa la kibangun sule tu inan daun lauan – manassa inde sia tu kadanNa PUANGna mintu’ ma’dandan maritik, Nakua: Moi nabangunni tu kotana, apa inang la Kusanggang; la nasangai tau tu tau iato mai: lili’ katangmekaalukan, sia: bangsa narua kasengkeanNa PUANG tontong sae lakona.

YEREMIA 49:4

Ma’apai ammu sattuanni tu lombokmu? Iatu lombokmu nasapamo uai, e pia baine matampo, tu urrannuan iananna sia ma’kada nakua: Mindara la ullaoina’.

SARAMBU PEADA’ 18:12

Iatu kamadaoan penaanna tau undoloan katobangan, apa iatu kamadiongan penaa undoloan kadipangkeran.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

2 OSSORANNA DATU 25:12

Ondongpi narampa tuo to Yehuda tu surodadunna sangpulo sa’bu, anna baai tu tau iato mai langngan botto buntu batu, anna pembuanganni dao mai botto buntu batu iato, naurungan tisepak-sepak nasang tu tau iato mai.

2 OSSORANNA DATU 25:11

Umpabatta’mi kalena tu Amazia, nasolammi tu surodadunna lako Lombok-Ma’sin, napatei tu to Seir sangpulo sa’bu.

AYUB 20:6

Moi na iatu kamatampoanna sae langngan langi’, sia kamadongngaranna untu’tun salebu’,

YEREMIA 21:13

Manassa Aku la unnukungko e pa’tondokan diong lombok, e buntu batu diong padang lappa’, kadanNa PUANG, e kamu tu ma’kada kumua: Mindara tu la solo’ umpellambi’ikan, mindara tu la tama to’ pembuniangki?

YEREMIA 37:9

Nakua kadanNa PUANG: Da mipakena kalena penaammi umpokadai te kada iate: Manassa iatu to Kasdim sorong boko’mo dio mai kaleki, belanna inang tae’ nasorong boko’.

YEREMIA 48:28

Tampei tu mintu’ kota, ammi torro lan buntu batu, e to Moab, sia la susikomi bu’ku’ ala’ tu unggaragai serangna dio tondon aa’.

KADADIAN 36:8

Iamoto anna torro tu Esau dio buntu Seir na iatu Esau, iamo diganti Edom.

YEHEZKIEL 28:16

Belanna kabudanna balukammu, anna kabu’ko pa’pakario-rio sia tobangko rokko kasalan. Iamoto Kusualeko dao mai buntunna deata, sia Kupatoyangko, e karubion parerung lan mai to’ batu dukku-dukku.