NEHEMIA 9:34 - Sura' Madatu

³⁴ Iatu mai datungki sia pangulungki sia to minaangki sia nene’ to doloki tae’ nakariritui tu sukaran alukMi sia tae’ napalan penaai tu pepasanMi sia iatu pa’pakilala tu Mipokadanni.

NEHEMIA 9:34 Referans Kwoze

YEREMIA 29:19

Belanna tae’ naperangii tau iato tu mintu’ kadangKu, kadanNa PUANG, tu Kusuan nabi, taungKu, umpokadanni, ke makale’ sia ke karoen, apa tae’ miperangii, kadanNa PUANG.

2 DATU 17:13

Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

PA’TOLE 31:21

Iake narampoi buda kamandasan sia kapussakan tu tau iato, manassa iate sengo la sa’bi umpasalai tu tau iato, belanna tae’ nala tore len nasa’bu’ bati’na. Belanna Kutandai tu pa’inaanna tu lan penaanna allo iate, tongKu tang ussolampi lako tondok, tu mangka Kuallu’ lako tau iato mai Kupalaoi sumpa.

NEHEMIA 9:30

Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

2 DATU 17:15

Nasayumo tu apa Napondok sia basseNa tu Natanan Puang sola nene’ to dolona, susi dukato tu mintu’ pa’pakilalaNa tu Naparampo lako tau iato mai; naturu’ bangmo tu apa tang kebattuan, naurunganni dadi tang kebattuan, sia naparundu’i tu alukna mintu’ bangsa untikui, moi anNa mangkamo mepasan tu PUANG lako tau iato mai, kumua da nama’gau’ susito.

NEHEMIA 9:33

Apa Kamumo tu malambu’ lan mintu’ apa urrampoikan, belanna Mipa’petiroammo tu kamarurusamMi, apa kami lolang tang mekaalukkanni.

NEHEMIA 9:35

Moi anna unnampui misa’ kadatuan tu tau iato mai, moi amMi benni pa’kamase kapua, sia moi amMi benni padang kalua’ sia malompo, apa tae’ napengkaolaiKomi sia tae’ namorai mengkatoba’ dio mai gau’ kadakena.

YEREMIA 44:17

Sangadinna inang la kipogau’ bangmo kami tu mintu’ apa kipokada, iamotu memala’ lako datu baine dao langi’ sia umpennoloan pemala’ pantedok, susitu mangka kipogau’, la kami sia nene’ to doloki, la mintu’ datungki sia mintu’ arungki lan mintu’ kota Yehuda sia dio lu batattana Yerusalem; attu iato ungkandekan roti sadia’ki sia manamanmokan sia tang untirokan kasanggangan.

2 OSSORANNA DATU 29:6

Belanna iatu mai ambe’ta tang maruru’ tonnanu’, umpogau’mo apa kadake dio pentiroNa PUANG, Kapenombanta, sia natampemo sia tae’mo nasailei tu inanNa PUANG sia naboko’imo.

EZRA 9:10

Apa totemo apamo la kipokada te mangkannate, o Kapenombangki? Belanna kiboko’i tu mintu’ pepasanMi,

YEREMIA 44:4

Moi Kusuamo lako tau iato mai tu mintu’ taungKu, iamotu mai nabi, ke makale’ sia ke karoen umpokadanni kumua: Da mipogau’i te apa megallian iate, tu Kukagi’gi’!

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

DANIEL 9:6

Sia tae’ kiperangii tu mai taumMi, iamotu mai nabi, tu ma’kada tete dio sangamMi lako mintu’ datungki, mintu’ arungki, mintu’ nene’ to doloki sia lako mintu’ tau lan tondok.