NEHEMIA 9:27 - Sura' Madatu

²⁷ Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

NEHEMIA 9:27 Referans Kwoze

2 DATU 14:27

Apa tae’ duka Nama’kada PUANG, kumua la Naputtai tu sanganna to Israel lan nasambo langi’, iamoto Narampananni tu tau iato mai tete dio Yerobeam, anakna Yoas.

2 DATU 13:5

Nakamaseimi PUANG tu to Israel misa’ tau urrampananni, naurungan tau iato mai tilendok dio mai kuasanna to Aram, anna pada untorroi tendana sule tu to Israel susi dolona.

2 OSSORANNA DATU 36:17

Napasaeammi datu to Kasdim tu tau iato mai, tu umpepai pa’dang tu mintu’ to manguranna muane lan inan maindanna, tae’mo nakasayangi tu to mangura muane ba’tu anak dara, ba’tu to matua sia to ubanan; mintu’nato Nasorong nasang tama kuasanna.

TO PARENGNGE’ 2:18

Iake Napake’deranoi PUANG misa’ to parengnge’, Narondong PUANG tu to parengnge’ iato, anNa lendokanni tu tau iato dio mai kuasanna ualinna, tempon tuona tu to parengnge’, belanna maturu-turu tu PUANG umperangii sarrona tau iato mai tu diona to umpakario-rioi sia umpapussakki.

OBAJA 1:21

Iatu to mangrampanan la kendek langngan buntu Sion, sia la unnukung buntunna Esau, na iatu kadatuan iato PUANG umpoissanni.

NEHEMIA 9:19

tae’ duka Mitampei tu tau iato mai lan lu padang pangallaran, belanna kakapuanna kamamaseamMi. Iatu lentong gaun tae’ natoyang dio mai tau iato mai, ke allona la umpadulluanni lalan, sia iatu lentong api, ke bonginna la unnarrangi tau iato mai dio lu lalan tu la naolai.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

2 DATU 17:20

Iamoto Natumpui PUANG tu mintu’ bati’na Israel. Napamatuna sia Nasorong tama kuasanna to mangrampa, sae lako Nasuale dio mai oloNa.

2 DATU 17:39

Sangadinna la mipakaraya tu PUANG, Kapenombammi; iake susito Puang duka la urrampanankomi dio mai limanna ualimmi.

PA’PUDIAN 136:24

AnNa sabak ka’tuki’ lan mai lisu pala’na mintu’ ualinta, belanna iatu kamasokananNa tang tileluk sae lakona.