NEHEMIA 9:24 - Sura' Madatu

²⁴ Rampomi tu anakna tau iato mai anna alai tu tondok iato napomana’ sia Mipopengkanorongmo tu pa’tondokanna, iamotu to Kanaan dio tingayona tau iato mai, amMi sorongi tama limanna la datunna la mintu’ bangsa lan tondok iato, anna pogau’i lako tau iato mai tu lalan penaanna.

NEHEMIA 9:24 Referans Kwoze

YOSUA 21:43

Susimoto tu PUANG ungkamasean to Israel mintu’ padang, tu umpalao sumpa unnallu’i lako nene’ to dolona; naalami napomana’ tau iato mai sia nanii ma’tondok.

YOSUA 18:1

Ditambaimi tu mintu’ kombongan to Israel sae sirampun dio Silo; napabendanmi dio tu Tenda Kasitammuan, belanna iatu tondok iato mangkamo natalo.

YOSUA 11:23

Mintu’ tondok iato natalo nasang Yosua situru’ tu mintu’ Napokadannamo PUANG lako Musa, napa’benganni Yosua lako to Israel la napomana’ situru’ tu bilanganna tu mai sukunna. Marampa’mi tu tondok dio mai tananan ra’.

2 TIMOTIUS 2:26

anna mengkilala sia tilendok sule dio mai poyana deata bulituk, tu ungkurungi, la umpogau’ pa’poraianna.

1 OSSORANNA DATU 22:18

Tang PUANG Kapenombammiraka urrondongkomi, sia tang Nakamaseirokomika kamarampasan tiku lao, belanna Nasorongmo tu mintu’ to umpa’tondokki tondok iate tama limangku, naurungan iatu pa’tondokan mengkanorong dio oloNa PUANG sia dio tingayona taunNa.

YOSUA 21:45

Tae’ misa’ tang dadi tu mintu’ kada melo tu Naallu’ PUANG lako to Israel, sangadinna dadi nasang.

KADIBILANGAN 14:31

Iatu mai anakmi tu mangka mipokada diona a’ganna, kumua la dadi to dirampa – tau iato la Kusolan tama, anna tandai tu tondok misayu.

TO PARENGNGE’ 4:23

Susimoto Nanii Puang Matua umpatundukki tu Yabin, datu Kanaan, dio tingayona mintu’ to Israel.

YOSUA 10:40

Susimo kanataloanna Yosua to tu mintu’ tondok, iamotu tondok dao lu buntu sia Padang Rampe sau’na sia iatu Padang Merrantena sia iatu mennaa’na sia mintu’ datunna; moi misa’ tae’ bang nalussuran, sangadinna nasabu’i nasang tu mintu’ kepenaanna butung pepayu, situru’ tu pepasanNa PUANG, Kapenombanna to Israel.

YOSUA 12:12

datu Eglon: misa’; datu Gezer: misa’;

YOSUA 12:24

datu Tirza: misa’. Mintu’i tu datu den tallungpulo mmisa.

ESTER 9:5

Iatu to Yahudi umpepa pa’dang mintu’ ualinna, napatei sia nasabu’i, anna pogau’i tu pa’poraianna lako mintu’ to ungkabiri’i.