NEHEMIA 9:17 - Sura' Madatu

¹⁷ Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

NEHEMIA 9:17 Referans Kwoze

PA’PUDIAN 86:5

Belanna Kamu to masokan, o Puang, sia malangngo’ penaamMi umpa’dei salana tau, sia kapua kamaturu-turuamMi lako mintu’ to umpengkamoyaiKomi.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

ROMA 9:15

Belanna Nakua Puang Matua ma’kada lako Musa kumua: La maturu-turuNa’ untiro to Kukaturu-turui sia mamaseNa’ untiro to Kukamasei.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

1 DATU 6:13

kumua la torroNa’ dio lu to’ to Israel sia tae’ Kula untampei tu to Israel, taungKu.

PA’PUDIAN 106:7

Tae’ anna palan ara’i to doloki tu mintu’ penggauran kalle-kalleamMi dio tana Mesir, sia tae’ anna kilalai tu kamasokanan budamMi, sangadinna pabali-bali dio to’ randan tasik, dio tasik Teberau.

PA’PUDIAN 78:11

Sia tang nakilalaimo tau iato mai tu mintu’ penggauranNa, sia mintu’ tanda kalle-kalleanNa, tu Napa’pekitanammo lako kalena.

1 DATU 8:57

Lalasia manii anNa rondongki’ PUANG, Kapenombanta, susitu Ia mangka urrondong nene’ to dolota; sangapaoi upa’ da Natampeki’ sia da Natumpuki’.

PA’PUDIAN 106:13

Apa ta’pa tang nakilalai tau iato mai tu penggauranNa, sia tae’mo anna tayanni tu pa’timbanganNa;

PA’PUDIAN 130:4

Apa dio kalemi den kaumpa’deian kasalan, kumua anna kabangnga’Komi tau.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

PENGGAURANNA RASULU’ 7:39

Apa manoka tu nene’ to dolota unturu’i, sangadinna natumpu, anna pamirring lu lakoi Mesir tu penaanna,

SARAMBU PEADA’ 1:24

Belanna manokakomi tongku meoli, sia moi misa’ tau tae’ umpalan penaai tongku angka’ limangku.

KADIBILANGAN 16:14

Inang tae’ misolangkanni tama misa’ tondok tu sebo pangandu’ sia tani’ enoan sia tae’ duka pa’lak sia pa’lak anggoro’ mibenkan la kipomana’? Misangaraka iatu matanna te tau ma’din mipabuta? Tae’ kila lao.

KADIBILANGAN 14:41

Apa ma’kada tu Musa nakua: Ma’apai ammi pasalai tu parentaNa PUANG? Manassa tae’ na la dadi to.

KADIBILANGAN 14:11

Ma’kadami tu PUANG lako Musa, Nakua: Sangapapara te bangsa iate la ussayuNa’ sia sangapapara te tau iato mai tang la umpatonganNa’, moi angKu pogau’mi tu mintu’ tanda kalle-kallean dio lu tau iato mai?

NEHEMIA 9:31

Apa tete dio kamamasean kapuaMi natae’ sia Misabu’i sia Miboko’i, belanna Kamumo tu Kapenomban maturu-turu sia mamase.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

NAHUM 1:3

Iatu PUANG kalando pesuka’, moi anna kapua kamatotoranNa, tae’ duka Ia na la tang mangukung. Lumingka naturu’ talimpuru’ sia angin bara’, sia salebu’ butung barra’-barra’ diong to’ lette’Na.

KATASSURAN 32:9

Sia Nakuapa PUANG lako Musa: Iate bangsa iate Kutiro, manassa tongan misa’ bangsa makarra’ penaanna.

SURA’ KATOMINAAN 26:44

Apa moi torro lan tondokna ualinna, tae’ duka Kula umpamatunai sia tae’ Kukasorroi, Kuurungan ussabu’i sia Kupoka tu basseta, belanna Akumo tu PUANG, Kapenombanna.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

EZRA 9:9

Belanna kami te kaunanpakanni, apa lan kakaunanangki tae’ Napopa’elo’nakan Kapenombangki: Napalulako kaleki tu kamaturu-turuanna mintu’ datu Persia, naurunganni tu tau iato mai umbenkanni penggirikan la umpabendanni sule tu banuanNa Kapenombangki sia umpemeloi tu daun lauanna, sia umbenkanni misa’ perompo lan Yehuda sia lan Yerusalem.

PA’PUDIAN 78:10

Tae’ anna toe manda’i tu basseNa Puang Matua sia manoka unturu’ atoran Sukaran alukNa.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

YEREMIA 18:15

Moi anna susito, tang nakilalai dukaNa’ taungKu; memala’ duka lako apa tae’ gai’na. Iamoto anna titodo tu tau iato mai dio lu lalanna, iamotu lalan masainna, belanna unnola lalan tang dibatatta,