NEHEMIA 8:9 - Sura' Madatu

⁹ Napamalesomi nabasan tau iato mai tu sura’ iato, iamotu Sukaran alukNa Puang Matua sia nabattuananni, anna tandai tau tu apa dibasanni.

NEHEMIA 8:9 Referans Kwoze

NEHEMIA 7:70

Ba’tu pira-pira pangulu rapu ussorong pamengan tama pangrampunan doi’ la diangkosoran pengkarangan iato: bulaan duangpulo sa’bu dirhan, salaka duangsa’bu nduaratu’ mina.

NEHEMIA 7:65

Nagagaimi to maraa lompo tu tau iato mai ungkandei tu kande tarru’ masero sae lako bendan misa’ to minaa ontoe Urim sola Tumim.

PA’TOLE 12:12

La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

NEHEMIA 8:2

saemi sirampun tu mintu’ bangsa butung to misa’ri dio lu tana lapang dio tingayo babangan Uai. Napalakumi tau iato mai tu Ezra, pandita sura’ la unnala sura’ Sukaran alukna Musa, tu Napa’bengan PUANG lako to Israel.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

TOMANGADA’ 3:4

Den tu attu katumangiran sia den tu attu kametaan, den tu attu dinii umbating sia den tu attu dinii ma’gellu’.

EZRA 2:63

Nagagaimi to maraa lompo tu tau iato mai ungkandei tu kande tarru’ masero sae lako bendan misa’ to minaa untoe Urim sola Tumim.

PA’TOLE 12:7

Indemoto la minii kumande dio oloNa PUANG Kapenombammi, sia parannu la kamu la iatu mintu’ to lan banuammi diona tu mintu’ apa mitoe tu Nanii PUANG, Kapenombammi umpamasakkekomi.

SURA’ KATOMINAAN 23:24

Ma’kadako lako to Israel kumua: Lan bulan ma’pempitu lan bunga’na bulan iato la den tu allo katorroammi; la dipannoni tu tarompe’ pua umpaissanni tau tu iannato, iamotu pa’kombongan masero.

ROMA 7:9

Dolona tuo tang untoena’ Sukaran aluk, apa iatonna sae tu atoran, tuomi sule tu kasalan,

ROMA 3:20

Apa iatu umpogau’ Sukaran aluk, tae’ tau misa’ dibilang malolo dio oloNa Puang Matua, belanna lan mai tu Sukaran aluk nanii bu’tu tu dininna untandai kasalan.

MALEAKHI 2:13

Iatu ma’penduanna mipogau’, susite, iamotu mipasitutu’i uai matammi tu inan pemalaranNa PUANG, ke tumangi’komi sia sumarro, belanna tae’mo Nasailei tu pemala’ sia tae’mo Natarimai diong mai limammi butung to apa nakalo’ penaanNa.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

NEHEMIA 12:26

Mintu’nate sangbara’ linona Yoyakim, anakna Yesua, anakna Yozadak sia Nehemia, to maraa, sia Ezra, tominaa sia pandita sura’.

NEHEMIA 10:1

Iatu mintu’ to ma’ca’ iamotu Nehemia, to maraa lompo, anakna Hakhalya sia Zedekia,

EZRA 7:11

Iamote tu sura’ dipallemba’ dio mai sura’, tu napa’bengan datu Artahsasta lako Ezra, tominaa sia pandita sura’, tu matarru’ lan mintu’ pepasan sia pa’pana’ta’Na PUANG lako to Israel.

2 OSSORANNA DATU 35:3

Ma’kadami lako mintu’ to Lewi, tu unnada’i mintu’ to Israel sia umpamasero kalena lako PUANG, nakua: Patorroi tu patti maindan lan Banua Kabusungan, tu nabangun Salomo, anakna Daud, datu Israel. Tae’omo mimanggi’ umbullei. Iamoto pengkaolai totemo tu PUANG, Kapenombammi, sia mintu’ taunNa, iamotu to Israel.

2 OSSORANNA DATU 34:21

Malekomi umpekutanan timbanganNa PUANG, anNa pamanassai lako kaleku sia lako tu mai mintu’ to torropa dio lu Israel sia Yehuda tu diona mintu’ kada lan te sura’ dikabu’tui, belanna mandu tu kare’dekanna ara’Na PUANG, tu Nabarrakan lako kaleta, belanna tae’ nakaritutui nene’ to dolota tu kadanNa PUANG sia tae’ napogau’i susitu disura’ lan sura’ iate.

2 OSSORANNA DATU 34:19

Iatonna rangimi datu tu mintu’ kada Sukaran aluk, naserek-serekmi tu tamangkalena.

2 OSSORANNA DATU 30:22

Ma’kada-kadami tu Hizkia la umpakatana penaanna mintu’ to Lewi, tu umpa’pekitanan kapaissanan kapua lan kamenomban lako PUANG. Susimoto tu tau iato mai ungkandei tu kande allo kapua lan pitung allo sia untunu pemala’ kasalamaran sia umpudi PUANG, Kapenombanna nene’ to dolona.

2 OSSORANNA DATU 15:3

Masai allomo tu to Israel tae’ Kapenomban tonganna, sia tae’ to minaanna, tu ma’pangada’, sia tae’ tu sukaran alukna.

2 DATU 22:19

belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 DATU 22:11

Iatonna rangimi datu tu mintu’ kada lan mai sura’ Sukaran aluk, naserek-serekmi tu tamangkalena.

PA’TOLE 26:14

Iatongku ma’pote dibolong tae’ kukandei sia tae’ kualai moi misa’ tu apa tongku maruttak, sia tae’ kusorongi tu misa’ apa lako pa’tomatean, sangadinna kuperangii tu gamaranNa PUANG, Kapenombangku, sia kupogau’ unturu’i tu mintu’na apa Mipasan lako kaleki.

YAKOBUS 4:9

Pesa’dingimi tu sussa ammi mario sia tumangi’; sipato’ tu penaammi membali kamarioan, sia kasendeammi membali kamasussan.