NEHEMIA 8:8 - Sura' Madatu

⁸ Naada’imi Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, Pelaya sia mintu’ to Lewi tu bangsa iato diona Sukaran aluk, anna bendan dio inanna.

NEHEMIA 8:8 Referans Kwoze

PENGGAURANNA RASULU’ 28:23

Iatonna allu’mi lako Paulus tu allo sangallo, lendu’mi budanna tau sae lako tu naninna Paulus torro. Napamanassami sia nakatottongi tongan lako tinde tau tu diona ParentaNa Puang Matua sia randuk lan mai sura’ Sukaran alukna Musa sia lan mai sura’na nabi nanii umpamalesoanni tau tu diona Yesu, tempon dio mai melambi’ sae lako makaroen, kumua napatonganni.

LUKAS 24:45

Tonna iato Napatibungka’mi tu penaanna tinde tau, kumua anna issanni tu Sura’ Madatu.

LUKAS 24:32

Sipa’kada-kadami, nakua: Tang mamali’raka penaanta, tonNa pa’kadaiki’ dio lu lalan sia tonna pokadan nasangki’ tu lanna mai Sura’ Madatu?

LUKAS 24:27

Naparanduk diomi mai Musa sia mintu’ nabi Nabattuananni lako tu dipokadanna lan mintu’na sura’ diona Ia.

HABAKUK 2:2

Attu iato Napebaliimo’ PUANG Nakua: Sura’i te patiro mendeata iate sia pamarorronganni dao ba’tu pira-pira papan, kumua na iatu to lendu’ ma’din la umbasai.

EZRA 4:18

Iatu sura’ mipa’pea lako kaleku, mangkamo dipamalesang dibasa dio oloku.

NEHEMIA 8:7

Napudimi Ezra tu PUANG, Puang Matua pasareongan, anna mebali tu mintu’ bangsana, sia mempala’ nasang langngan, nakua: Amin! Amin! Malinguntu’mi tu tau iato mai sia tukku menomba rokko padang dio oloNa PUANG.

NEHEMIA 8:9

Napamalesomi nabasan tau iato mai tu sura’ iato, iamotu Sukaran alukNa Puang Matua sia nabattuananni, anna tandai tau tu apa dibasanni.

NEHEMIA 8:12

Napakatana dukami to Lewi tu penaanna mintu’ bangsa iato, nama’kada nakua: Rapa’mokomi, belanna maindan te allo iate, da’mo namasussa tu penaammi.

2 DATU 23:2

Malemi tu datu lako banuanNa PUANG sola mintu’ muane to Yehuda sia mintu’ pa’tondokan Yerusalem sia mintu’ to minaa sia nabi sia mintu’ tau randuk dio mai to bitti’ sae lako to kapua. Nabasami dio pa’peranginna tau iato mai tu mintu’ kada lan sura’ basse, tu diapparan lan banuanNa PUANG.

NEHEMIA 9:3

Iatonna bendanmo tu tau iato mai dio inanna, nabasami tau lan mai sura’ Sukaran alukNa PUANG, Kapenombanna, sangtepo allo, anna mangaku sala sangtepo allo sia tukku menomba dio oloNa PUANG, Kapenombanna.

YEHEZKIEL 46:10

Na iatu arung la naparitangnga tau iato mai, ke malei tama, sia iake tassu’i tu tau iato mai, la tassu’ duka.