NEHEMIA 7:4 - Sura' Madatu

⁴ Iatu kota iato kalua’ sia kapua, apa sidi’ri tu tau torro lan sia tae’pa nadibangun tu mai banua.

NEHEMIA 7:4 Referans Kwoze

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

NEHEMIA 7:3

Ma’kadamo’ lako kukua: Da’pa mibungka’i tu babangan Yerusalem, ke tae’pi nakulla’ allo; sia la ditutu’ tu ba’ba, ke bendanmi tu to ma’kampa dio inanna; sia la migonting. Sia pa’tondokan Yerusalem la miato’ tu to ma’kampa, pantan dio inanna sia pantan sipatu banuanna.

NEHEMIA 7:5

Attu iato Napatiakka’mi Kapenombangku tu penaangku, angku rampunni tu mintu’ to la’bi’ sia pangulu sia to buda, anna disua ussura’i tama luntara’ tu sanganna. Sia kuappa’tu luntara’ dinii ussura’ sanganna tau iato mai tu bunga’na ke’de’, angku apparanni disura’ lan susite, nakua:

NEHEMIA 11:1

Ma’tondokmi tu pangulunna bangsa iato dio Yerusalem, apa iatu tau pira ma’loterei la umpamanassai tu misa’ tau, torro dio Yerusalem, iamotu kota maindan, ke sangpulooi, na iatu kasera lan lu kota senga’.

NEHEMIA 11:2

Napudimi bangsa iato tu mintu’ muane, tu tanning inaa ma’tondok lan Yerusalem.