NEHEMIA 6:14 - Sura' Madatu

¹⁴ O Kapenombangku, kilalai tu Tobia sola Sanbalat sitinaya penggauranna sia ia duka tu nabi baine Noaja sia ba’tu pira-pira nabi, tu morai la umpakataku’na’.

NEHEMIA 6:14 Referans Kwoze

NEHEMIA 13:29

O Kapenombangku, kilalai tu tau iato mai, belanna naruttakki tu kaminaan sia basse kaminaan sia to Lewi.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

1 YOHANES 5:16

Iake denni misa’ tau untiro siulu’na umpogau’ kasalan tu tang umpabu’tunna kamatean, la napassambayangan, na Puang ungkamasei katuoan, iamotu mintu’ to umpogau’ kasalan tu tang umpabu’tunna kamatean. Den tu kasalan umpabu’tu kamatean, tae’ nadiona to tu kukuan pato’ napassambayangan.

2 TIMOTIUS 3:8

Susi Yanes sola Yambres umbali Musa, susi dukamo tu tau iato mai umbali tu kamanapparan, iamoto tang ma’rundunan tangnga’na sia tang diangga’ tu kapatongananna.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

MATIUS 24:11

Buda tu nabi tang tongan la bendan, anna umpapusa buda tau.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

YEREMIA 28:15

Sia nakua duka nabi Yeremia lako nabi Hananya: Perangii, e Hananya, manassa tae’ nasuako PUANG, sangadinna iko napobannang te bangsa iate urrannuan apa tang tongan.

YEREMIA 28:10

Attu iato naalami nabi Hananya tu ayoka dao mai sokkongna nabi Yeremia, anna sanggangi.

YEREMIA 28:1

Iatonna taun iato, iamo tonna tipamulanna kadatuanna Zedekia, datu Yehuda, tonna taun ma’penna’pa’na, bulan ma’pellimanna, ma’kadami tu nabi Hananya, anakna Azur, tu lu dio mai Gibeon lako kaleku, lan banuanNa PUANG dio tingayona mintu’ to minaa sia mintu’ to buda, nakua:

YEREMIA 14:18

Iake tassu’na’ lako padang, dio tu mintu’ to mangka nakande pa’dang. Sia iake tamana’ kota, lan tu to la mate mannamo napobua’ karorian! Ondongpi la nabi la to minaa lu lako lu dio mai lan lu tondok sia tae’mo apa natandai.

YEREMIA 14:15

Iamoto, nakua kadanNa PUANG diona tu mai nabi ma’nubua’ tete dio sangangKu, moi natae’ Kusuai tu tau iato mai sia tu ma’kada nakua: La tae’ kandean pa’dang sia karorian lan padang iate – mintu’ nabi iato mai la sabu’ napobua’ pa’dang sia karorian.

PA’PUDIAN 63:1

Pa’pudianna Daud tonna dio padang aak, lili’na Yehuda.

PA’PUDIAN 22:1

Lu lakona pangala sengo. Unturu’ baenan sengo: Donga birang sipera’pa’ oni manuk. Pa’pudianna Daud.

NEHEMIA 5:19

O Kapenombangku, kilalaina’ tu kupomelona sitinaya tu mintu’ apa mangka kupogau’ lako bangsa iate.

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

PA’PUDIAN 137:7

Papakkanni, o PUANG, tu bati’ Edom, diona tu allo kasangganganna Yerusalem, tu mangka ma’kada nakua: Saeranni, saeranni,